Мәктәбебеҙҙә бар яҡлап тырыш, һәләтле балалар бик күп. Шундайҙарҙың береһе – уҡыуҙа ла һынатмаған, мәктәп тормошонда ла бик әүҙем ҡатнашҡан бер ҡыҙ – Нурзидә Күскилдина хаҡында һүҙем. Ул уҡыуҙа беренселекте бирмәй. Бар фәндәрҙән дә тик яҡшы билдәләргә генә өлгәшә. Белем усағында үткән барлыҡ сараларҙа ла әүҙем ҡатнашып, үҙенең синыфын һәр саҡ алдынғылар рәтенә сығара. Әсәһенең уң ҡулы, алыштырғыһыҙ ярҙамсыһы ла. Унан һәм Гөлиә апаһынан төрлө-төрлө ҡул эштәренә өйрәнеп, сигә лә, бәйләй ҙә, сәйләндән матур-матур әйберҙәр эшләй ҙә белә.