+12 °С
Ямғыр
Бөтә яңылыҡтар
Беҙгә килгән хаттарҙан
10 Март 2018, 14:14
Шаяндар ҙа күп беҙҙә
Гимназиябыҙҙа «Шаяниум – 2018» отҡорҙар һәм шаяндар конкурсы уҙғарылды.
«Шаяниум»дан һуң.
Гимназиябыҙҙа «Шаяниум – 2018» отҡорҙар һәм шаяндар конкурсы уҙғарылды. Был бәйгелә V – X синыф уҡыусылары ярышты, бөтәһе ун дүрт команда: «Алтындар», «Утаған», «Ете йөҙ», «Шаяндар», «Ун таған», «Бишектәр», «Е», «Минулловсылар», «Юлаевсылар», «Исҡужиндар», «Әпипәләр», «Прокариоттар», «Шаян йондоҙҙар», «Физмат». Йәш айырмалығына ҡарамаҫтан, ҡатнашыусыларҙың барыһы ла үҙенсәлекле сығыштары менән тамашасыларҙың һөйөүен яулап алды. «Сәләмләү», «Видеояҙманы тауышландырыу» һәм «Музыкаль номер» тип аталған өс турҙағы һәр номер иҫ киткес ҡыҙыҡлы һәм фәһемлелеге менән хәтерҙә ҡалды.
«Шаяниум» конкурсы тамамланғас, жюри ағзалары баһаларын иғлан итте. «Иң шәп малайҙар роле» номинацияhында – X «Б» синыфынан Айгизәр Йыһаншин, VII «А»нан Азат Гәрәев, V «В»нан Илдан Хәмитов, VIII «Б»нан Айнур Ишбулатов, VIII «В»нан Ҡәйүм Абдултамим һәм «Иң шәп ҡыҙҙар роле» номинацияһында V «Б»нан Сәлимә Яҡупова, VI «Б»нан София Фаязова, һигеҙенсенән Әҙел Дәүләтова, VI «Б»нан Айым Иҫәнтаева һәм VII «А»нан Камилла Хужина грамоталар менән бүләкләнде. Ысынлап та, был йәш сәхнә йондоҙҙары бөтә дәртен һәм көсөн һалып, ролдәрен ныҡ килештереп башҡарҙы. Афариндар!
Ә беренсе урын V «В» һәм X «Б» синыфтарының «Шаяндар» һәм «Әпипәләр» командаһына бирелде, икенсе урынды V «А» синыфы алды, өсөнсө урынды V «Б» менән VII «А» синыфының «Бишектәр» һәм «Е» командалары бүлеште.
Бөтә ҡатнашыусыларға ла көләмәстәре менән сәхнә түрен йәнләндереп торғандары өсөн ҙур рәхмәт һәм киләсәктә һеҙгә тик уңыштар теләйбеҙ!
Миннура ӘМИНЕВА, вожатый.
Өфө ҡалаһы, Мостай Кәрим исемендәге 158-се башҡорт гимназия.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж