Йәнгүзәл барыбыҙҙы һоҡландыра

Синыфтағы иң яҡын әхирәтебеҙ – Йәнгүзәл Зәйнуллина. Ул үҙенең аҡыллылығы, яғымлылығы, тырышлығы һәм матурлығы менән айырылып тора. Синыфташыбыҙ бөтә фәндәрҙән дә тик «бишле» билдәләренә генә өлгәшә. Ысынын әйткәндә, лицейыбыҙҙың ғорурлығы ул Йәнгүзәл, район кимәлендә үткәрелгән төрлө конкурстар­ҙа әүҙем ҡатнашып, призлы урындар ҙа яулап тора. Уның Маҡтау грамоталары иҫ киткес күп.

Булыр бала – бишектән, тигәндәй, балалар баҡсаһында уҡ үҙен бар яҡтан да һәләтле итеп таныта. Дүртенселә уҡығанда ул район кимә­лендә үткәрелгән баш­ҡорт теле буйынса олимпиадала II урын алды. «Республикама дан йырлайым!» иншалар конкурсында ҡатнашып, ике йыл рәттән I урын­ға лайыҡ булды. Республика көнөнә арналған район шиғыр һөйләүселәр ярышында – II, «Яратҡан китабым» һүрәттәр бәйгеһендә III урын алды. Быйыл шулай уҡ фәнни-ғәмәли конференцияла ла үҙ көсөн һынап ҡараны һәм призлы урын яуланы.
Йәнгүзәл моңло итеп йырлай, шиғырҙарҙы оҫта һөйләй, һүрәт төшөрөргә лә ярата.
Әхирәтебеҙ тормошонда быйылғы уҡыу йылында тағы ла бер ҡыуаныслы ваҡиға булып үтте. Йәнгүзәл «Йәншишмә» үткәргән «Мәктәбем ғорурлығы» конкурсында ҡатнашып, баш мөхәррир Мирсәйет Юнысов ҡулынан Маҡтау ҡағыҙы һәм иҫтәлекле бүләк алды. Уның бер нисә мәҡәләһе был гәзит биттәрендә баҫылып та сыҡты.
Беҙ шундай яҡын дуҫыбыҙ булыуына бик ҡыуанабыҙ, унан өлгө алабыҙ. Киләсәктә лә яңы үрҙәр яулауын теләйбеҙ.

Баймаҡ ҡалаһы, 4-се лицей.