Бөтә яңылыҡтар

Станцияларҙың ниндәйе генә юҡ ине!

Һәр яҙғы каникул һайын китапханаларҙа Балалар һәм үҫмерҙәр китабы һәм музыкаһы аҙналығы үткәрелә. Был байрамды 75 йыл элек балалар яҙыусыһы Лев Кассиль уйлап тапҡан.

Һәр яҙғы каникул һайын китапханаларҙа Балалар һәм үҫмерҙәр китабы һәм музыкаһы аҙналығы үткәрелә. Был байрамды 75 йыл элек балалар яҙыусыһы Лев Кассиль уйлап тапҡан.

Быйылғы аҙналыҡ «Китап. Ғаилә. Яҙ» девизы менән үтте. Уның бер көнө балалар шағиры, яҙыусыһы, тәржемәсе Сергей Михалковҡа бағышланды. Сөнки уның тыуыуына 105 йыл тулғайны. Ошо уңайҙан баш ҡаланың 38-се моделле китапханаһында ла «Мин бәләкәй булғанда» тигән кисә ойошторолдо. Унда 234-се балалар баҡсаһының кескәй тәрбиәләнеүселәрен саҡырҙыҡ. Ҡыҙҙар, малайҙар тылсымлы поезда Сергей Михалковтың биографияһы, ижады буйынса «сәйәхәт»кә юлланды.
Ә станцияларҙың ниндәйе генә юҡ ине! «Биография» тип аталғаны уның балалыҡ һәм үҫмерлек осорона алып инде. Яҙыусының тырыш уҡыусы булыуын, немец телен яратыуын, хатта ғаилә һәм дуҫтары өсөн өйҙә журнал сығарып ҡарауын белделәр. 15 йәшендә ныҡлап яҙыша башлай, ә 20 йәшендә уның шиғырҙары сәхнәләр­ҙән уҡыла. «Шиғриәт» станцияһында балалар шағирҙың шиғырҙарын һөйләп ишеттерҙе. «Әкиәт» тигәнендә йән­һүрәт ҡарап кинәнделәр.

Алла һәм Эрика ДҮСӘЕВАлар.


Өфө ҡалаһы.