-14 °С
Болотло
TelegramТестарVKOK
Бөтә яңылыҡтар

Күп уҡыһаң, хатаһыҙ яҙырһың

Өс йыл бергә уҡыйбыҙ. Бер-беребеҙҙе яҡшы беләбеҙ инде хәҙер. Тырышып белем алырға ла, төрлө сараларҙа ҡатнашырға ла өлгөрәбеҙ. Биш отличнигыбыҙ бар: Азалиә Рәхмәтуллина, Алина Әхмәҙуллина, Лиана Ғиззәтуллина, Каил Закиров, Даниял Фәттәхов. Күптәр төрлө түңәрәктәрҙә, спорт секцияларында шөғөлләнә. Уңыштарыбыҙ ҙа етерлек. Мәҫәлән, Артём Латипов – футболсы. Йыш ҡына төрлө ҡалаларҙа үткән ярыштарҙа ҡатнаша, миҙалдары, Почёт грамоталары күп.

Өс йыл бергә уҡыйбыҙ. Бер-беребеҙҙе яҡшы беләбеҙ инде хәҙер. Тырышып белем алырға ла, төрлө сараларҙа ҡатнашырға ла өлгөрәбеҙ. Биш отличнигыбыҙ бар: Азалиә Рәхмәтуллина, Алина Әхмәҙуллина, Лиана Ғиззәтуллина, Каил Закиров, Даниял Фәттәхов. Күптәр төрлө түңәрәктәрҙә, спорт секцияларында шөғөлләнә. Уңыштарыбыҙ ҙа етерлек. Мәҫәлән, Артём Латипов – футболсы. Йыш ҡына төрлө ҡалаларҙа үткән ярыштарҙа ҡатнаша, миҙалдары, Почёт грамоталары күп.
Яңыраҡ гимназиябыҙға яҡын ғына урынлашҡан 2-се моделле китапханаға барҙыҡ. Унда билдәле шәхес, яҙыу­сы, шағирә һәм тәржемәсе Гүзәл Ситдиҡова менән осраштыҡ. Бик ҡыҙыҡлы булды. Гүзәл апай балалар өсөн дә яҙа. Текетек тигән кәзә бәрәсе тураһындағы әҫәре тураһында һөйләне. Текетектең һөйләгәндәре уның Осман исемле ейәненең һүҙҙәре икән.
Гүзәл Ситдиҡова – замана өләсәйе, ул социаль селтәрҙәрҙә лә әүҙем, әллә нисә төркөм ойоштор­ған. «Кескәйҙәр донъяһы» тигәнендә Ғаилә йылына арналған конкурс бара, төп бүләк – смартфон! Баш­ҡорт теле тураһында һөйләгәндәрен ҡыҙыҡһынып тыңланыҡ. Гүзәл апай үҙенең шиғырҙарын төрөк балаларына башҡорт телендә уҡыған икән, улар тәржемәһеҙ ҙә аңлаған. Ә бер ваҡыт Англияға бар­ғас, Гүзәл апай эргәһендә инглизсә яҡшы белгән улы булмағас, бик ҡыйынға тура килгән. Ә төрөк магазинына ингәс, башҡортса һораһа ла, уны бик һәйбәт аңлағандар. Баш­ҡортса белһәң, төрлө төрки телле күп халыҡтар менән бик еңел аңлаша ала­һың икәненә төшөндөк. Туған телебеҙ шулай сит ерҙәрҙә йөрөгәндә лә кәрәк икән.
Гүзәл апай беҙҙе китап уҡырға дәртләндерҙе. «Күп уҡыһаң, хатаһыҙ яҙаһың да», – ти ул. Ҡайһы берҙәребеҙ 2-се китапханаға яҙылырға булды. Унда китаптар бик күп.
Ошондай ҡыҙыҡлы осрашыу өсөн китапханасы апайҙарға һәм уҡытыусыбыҙға рәхмәт.

III «Б» СИНЫФЫ УҠЫУСЫЛАРЫ.


Өфө ҡалаһы, Мостай Кәрим исемендәге 158-се башҡорт гимназияһы.
Читайте нас в