Ғорурланам һинең менән!

Башҡортостан – Тыуған илем,

Тәү тәпәй баҫҡан ерем.

Ошо ерҙә йәшәгәнгә,

Бик яҡын күрәм үҙен.

Сит яҡтарға барғанда: «Һеҙ ҡайҙан?» – тип һораһалар, гел генә: «Баш­ҡортостандан», – тип ғорур­ланып яуап бирәбеҙ. Ә Баш­ҡортостан, тигәс, иң бе­ренсе ҡурай, бал, Салауат Юлаев күҙ алдына ба­ҫа. Салауат – башҡорт хал­ҡының милли геройы. Уның һәйкәле – илебеҙҙәге иң ҙур атлы скульптура.
Башҡортостан – күп мил­ләтле республика. Унда йөҙҙән ашыу милләт кешеһе дуҫ һәм татыу йәшәй. Һәр береһе үҙ милләтенең ғөрөф-ғәҙәттәрен, йолаларын өйрәнә.
Ҡурай һәм бал… Донъя­ның һәр урынында баш­ҡорт халҡын ошо ике һүҙ аша таныйҙар. Ҡурай – милли уйын ҡоралы һәм республикабыҙҙың төп бренды. Ә башҡорт балының даны хатта сит илдәргә лә таралған.
Башҡортостан йылға­лар­ға, күлдәргә, шишмәләргә бай. Иң ҙур йылғаһы – Ағиҙел. Республикабыҙҙа бейек тауҙар, мәғрур ҡаялар бик күп. Урал тауҙары тураһында донъя­ла белмәгән кеше юҡтыр. Ниндәй генә ер аҫты байлыҡтары юҡ беҙҙә!
Башҡортостан! Тыуған ерем, уңған халҡым менән мин бик ғорурланам. Ошо ерҙә тыуып үҫкәнемә ҡыуанып бөтә алмайым.