+10 °С
Болотло
Telegram
VK
OK
Бөтә яңылыҡтар
Беҙгә килгән хаттарҙан
20 Октябрь 2018, 13:25
Китаптары – беҙҙең өйҙөң йәме
Минең ҡулымда – китапханасы булып эшләүсе әсәйемдең 2004 йылда Башҡортостандың халыҡ шағиры Мостай Кәрим менән бергә төшкән фотоһы. Ул Баймаҡ районында әҙәбиәт һөйөүселәр менән осрашып ҡайтып барышлай беҙ йәшәгән Билал ауылында ла туҡтала. Бөйөк яҙыусыны күреүҙәренә атайым, әсәйем, апайым да бик шат була. Уның менән ошо йылы осрашыу хаҡында йыш телгә алалар. Бәләкәйерәк саҡта һөйләгәндәренә әллә ни иғтибар итмәгәнмен. Дүртенсе синыфҡа етеп, Мостай Кәрим ижадын үтә башлағас, атай-әсәйемдән, апайымдан 14 йыл элек булған иҫтәлекле осрашыу тураһында төплөрәк һораштым.
Минең ҡулымда – китапханасы булып эшләүсе әсәйемдең 2004 йылда Башҡортостандың халыҡ шағиры Мостай Кәрим менән бергә төшкән фотоһы. Ул Баймаҡ районында әҙәбиәт һөйөүселәр менән осрашып ҡайтып барышлай беҙ йәшәгән Билал ауылында ла туҡтала. Бөйөк яҙыусыны күреүҙәренә атайым, әсәйем, апайым да бик шат була. Уның менән ошо йылы осрашыу хаҡында йыш телгә алалар. Бәләкәйерәк саҡта һөйләгәндәренә әллә ни иғтибар итмәгәнмен. Дүртенсе синыфҡа етеп, Мостай Кәрим ижадын үтә башлағас, атай-әсәйемдән, апайымдан 14 йыл элек булған иҫтәлекле осрашыу тураһында төплөрәк һораштым.
– Мостай Кәрим беҙгә ҡыш айында килде. Пар аттар егеп, ауыл осона уҡ сығып ҡаршы алдыҡ. Мин шағирҙың бер шиғырын яттан һөйләнем. Яңылышҡайным, ул үҙе миңә ҡушылып әҫәрҙе дауам итте, – тип хәтерләй әсәйем. – Шағир ябайлығы менән беҙҙе арбаны. Шиғырҙарын уҡыны, һәр беребеҙҙең хәлен һорашты. Үҙемдең китапханасы булып эшләгәнде белгәс: «Баймаҡ яҡтарына һәр ваҡыт ашҡынып киләм. Урал аръяғында саф башҡорттар йәшәй. Ололар ғына түгел, балалар ҙа шиғырҙарымды, әҫәрҙәремде яратып ҡабул итә. Был миңә ижади этәргес бирә», – тине.
Осрашыуҙа Ләйсән апайыма ул ваҡытта 4 кенә йәш була. Фотоға ҡарай ҙа: «Мин бәхетле: Мостай Кәримде яҡындан күреүгә ирештем. Аҙаҡ уның ижадына арналған «Аҡйондоҙ, Аҡйегет» бәйгеһендә ҡатнашып, призлы урын алдым», – тип маҡтанып та ала.
Халыҡ шағирының ижадына битараф түгел беҙҙең ғаилә. Атайым бәләкәй сағында уның әҫәрҙәрен төндә, юрған аҫтында фонарь яҡтыртып, уҡыр булған хатта. Беҙҙең өйөбөҙҙә төрлө яҙыусыларҙың китаптары һаҡлана. Улар ҡулыбыҙҙан төшмәй тиерлек. Ә бөйөк шағир, яҙыусы, драматург Мостай Кәримдең китаптары бигерәк тә күңелемә яҡын. «Беҙҙең өйҙөң йәме»н әллә нисә ҡат уҡып сыҡтым. Оксана менән Йәмилдең дуҫлыҡтары һоҡландыра. Ә бит бер уйлаһаң, ошондай уҡ йылы мөнәсәбәт өйөбөҙҙә лә һаҡлана. Беҙҙе атай-әсәйебеҙ үҙ-ара татыу, туған йәнле булырға өйрәтеп үҫтерә. Кис етһә, ғаиләбеҙ менән бер-беребеҙгә ҡысҡырып китаптар уҡыйбыҙ, күмәкләп шашка, шахмат уйнайбыҙ.
Ниндәй генә ҡыйынлыҡтар килһә лә, мин үҙ ғаиләмдә йыуаныс табам. Атайым менән әсәйем беҙҙе, балаларын, ейән-ейәнсәрҙәрен: «Һеҙ – өйөбөҙҙөң йәме!» – тип яраталар. Мин быға ныҡ ҡыуанам. Ә Мостай Кәрим китаптары беҙҙең өйҙөң йәме, Башҡортостандың хазинаһы икәнен белеп йәшәйем.
Юлдаш БУЛАТОВ, IV синыф уҡыусыһы.
Баймаҡ районы, Билал мәктәбе.
Читайте нас:
Редакция һайлауы
Матбуғат
17 Май , 10:58
Яҙыл да бүләк от!
Повестар
Ҡайын һуты
Бала тараҡандың мыйыҡ уйнатҡаны...
Ҡунаҡ малай
Конкурстар
«Ҡышҡы әкиәт»
«Ҡоштарға ашхана»
«Беҙ — Бала саҡ иленән»
Гәзитебеҙ - дуҫыбыҙ
Алтынсылар “Йәншишмә”гә яҙылды
Нисек ҡыуанғанымды күрһәгеҙ!
Йөҙ һум аҡсаң булғансы, йөҙ дуҫың булһын
Хикәйәләр
Һунарсы терпе
“Смотрильщик”
Ауылымдың аҡ өйҙәре
Фильмдар
"Тыуған көн"
Елғыуар
Салауат Юлаев
Әкиәттәр
Ҡуян менән Төлкө
Тыңлауһыҙ төлкө балаһы
Суҡлыҡайҙың ҡурсаҡтары
Тестар
Кемдең дуҫы кем?
Географияны яҡшы беләһеңме?
Йыһанды беләһегеҙме?
Күңелдәрҙең иләҫ-миләҫ сағы
Трамвайҙағы танышыу
Һиңә тиң түгел, тигәндәр...
Бергә була алманыҡ...