+12 °С
Болотло
Бөтә яңылыҡтар
Беҙгә килгән хаттарҙан
26 Октябрь 2018, 15:02
Виртуаль сәйәхәт
Беҙҙең китапхана хеҙмәткәрҙәре Белорет ҡалаһының махсус интернат-мәктәбенә барып, сәләмәтлеге буйынса мөмкинлеге сикләнгән балалар менән осрашыу үткәрҙе.
Беҙҙең китапхана хеҙмәткәрҙәре Белорет ҡалаһының махсус интернат-мәктәбенә барып, сәләмәтлеге буйынса мөмкинлеге сикләнгән балалар менән осрашыу үткәрҙе. Улар менән китаптар, китапхана тураһында әңгәмә ҡорҙолар. Был көндө «Дауыт Юлтый исемендәге китапхана буйлап» тип аталған ҡыҙыҡлы виртуаль сәйәхәт тә ойошторолдо. Ҡыҙҙар, малайҙарға ныҡ оҡшаны. Ситтән тороп китапханабыҙ менән таныштылар. Тыуған яҡты өйрәнеү мини-музейында, китап фондтарында булдылар. «Балалар өсөн уҡыу мөйөшө»ндә оҙаҡ ҡына туҡталып, матур-матур һүрәтле китаптар ҡаранылар.
Сәйәхәттән һуң махсус әҙерләнгән «Улар Башҡортостанда йәшәй һәм балалар өсөн ижад итә» тигән әҙәби кисә үткәрелде. Төрлө әҫәрҙәрҙе уҡыуҙың нисек файҙалы булыуы тураһында һөйләп, китаптарҙың нисек ижад ителеүен, кемдәр тырышлығы арҡаһында баҫылып сығыуы тураһында мәғлүмәт бирҙек. Уҡыусыларға Светлана Войтюк, Фәрзәнә Ғөбәйҙуллина, Ольга Абих, Сәрүәр Ғәләүетдинов, Сергей Аксаков, Якоб һәм Вильгельм Гримдарҙың китаптары бигерәк тә оҡшаны.
Күңелле үтте осрашыу. Һәр китаптан бер нисә ҡыҙыҡлы шиғыр ҙа уҡыныҡ, бөтә синыф менән Сәрүәр Ғәләүетдиновтың китабы буйынса йомаҡтар систек. «Зөһрә һәм Ай» әкиәтен уҡығас, бер-береңә ҡарата мәрхәмәтле булып, ярҙам итеп йәшәү тураһында әңгәмәләштек. Сараны китап тураһында шиғыр менән тамамланыҡ.
Күңелле үтте осрашыу. Һәр китаптан бер нисә ҡыҙыҡлы шиғыр ҙа уҡыныҡ, бөтә синыф менән Сәрүәр Ғәләүетдиновтың китабы буйынса йомаҡтар систек. «Зөһрә һәм Ай» әкиәтен уҡығас, бер-береңә ҡарата мәрхәмәтле булып, ярҙам итеп йәшәү тураһында әңгәмәләштек. Сараны китап тураһында шиғыр менән тамамланыҡ.
Флүрә ШАКИРОВА, Дауыт Юлтый исемендәге китапхана етәксеһе.
Белорет ҡалаһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89170477422.
Электрон почта
Адресы
450079, г. Уфа, ул. 50 летия Октября, 13, 8-й этаж