-7 °С
Болотло
VKOKfacebookTikTokInstagram
Бөтә яңылыҡтар

Аптырап, баҙап ҡалманыҡ

Архангельскиҙа AR2T2 робот техникаһы буйынcа командалар турниры уҙҙы. Дистанцион рә­үеш­тә бишенсе тап­ҡыр үткәрелгән бәйгене Инфотехнологиялар белем биреү үҙәге «Ростелеком» компанияһы яр­ҙамында ойошторҙо.

Архангельскиҙа AR2T2 робот техникаһы буйынcа командалар турниры уҙҙы. Дистанцион рә­үеш­тә бишенсе тап­ҡыр үткәрелгән бәйгене Инфотехнологиялар белем биреү үҙәге «Ростелеком» компанияһы яр­ҙамында ойошторҙо. Ун­да Рәсәй Федерацияһының 29 төбәгенән, Беларусь һәм Ҡаҙағстандан балалар командалары ҡатнашты. Бәйге V – VIII, IX – XI синыфтар араһында айырым барҙы. Унда Сиҙәм мәктәбенең «Робобайт» берекмәһендә шөғөлләнеүселәр ҙә һынатманы.
Ярыштар әҙерлек һәм төп этаптарҙан тора ине. Беренсеһендә, robot. onedu.ru порталында теркәлеү үткәндән һуң, роботтың өс үлсәмле моделенең конструкцияһын төҙөргә, махсус майҙанын һәм реквизиттарын эшләргә кәрәк булды. Быны үтәүгә 4 сәғәт ваҡыт бүленде. Әйтеүе генә анһат, бөтә хәрәкәт-эштәрҙе башҡарһын өсөн роботты нисек итеп дөрөҫ йыйырға һуң? Шул саҡта күп командалар аптырап, баҙап ҡалды. Ә беҙҙең өс команда ҡулынан килгәнсе тырышты. Аҙаҡ уҡыусыларҙың эштәрен жюри ағзалары баһаланы.
Һөҙөмтәне иғлан иткәнсе хафаланып ултыр­ҙыҡ. Ниһайәт, Таһир Хәмитов һәм Илнур Байғотлиндан торған беҙҙең «Тыныслыҡ һаҡлаусылар» командаһы мәрәй­ҙәр һаны буйынса, белорустарҙан саҡ ҡына ҡалышып, икенсе урын яуланы. Шулай итеп, өлкән йәштәр төркөмөндә ҙур уңышҡа өлгәштек.
Районыбыҙҙың башҡа командалары ла лайыҡлы сығыш яһаны.

Ришат ХӨСӘЙЕНОВ, информатика уҡытыусыһы.


Хәйбулла районы.