+9 °С
Болотло
TelegramVKOKTikTok
Бөтә яңылыҡтар

«Беҙ – гимназистар!»

Шулай тип аталды тантанабыҙ. Быйыл да был йоланан сит­тә ҡалмай, гөрләтеп тамаша залында байрам үткәрҙек. Уҡыу­сыларым менән йырҙар, бейеүҙәр, тасуири итеп шиғыр һөйләргә өйрәндек. Беренсегә килгән балалар гимназист тигән исемгә тап төшөрмәҫкә, тырыш, уңған, ҡыйыу һәм тәрбиәле булырға һүҙ бирҙе.

Шулай тип аталды тантанабыҙ. Быйыл да был йоланан сит­тә ҡалмай, гөрләтеп тамаша залында байрам үткәрҙек. Уҡыу­сыларым менән йырҙар, бейеүҙәр, тасуири итеп шиғыр һөйләргә өйрәндек. Беренсегә килгән балалар гимназист тигән исемгә тап төшөрмәҫкә, тырыш, уңған, ҡыйыу һәм тәрбиәле булырға һүҙ бирҙе.
Быйыл Талбазы башҡорт гимназияһының гимназистар сафын ун алты уҡыусы тулыландырҙы. Ун малайыбыҙ һәм алты бөртөк ҡыҙыбыҙ бар беҙҙең. Уҡыусыларым тырышып-тырмашып белем серҙәренә өйрәнә. Дәрестән һуң теләп «Мөғжизәле палитра», самбо, ҡурай, фольклор, шахмат, «Мәҙәниәтле мәктәп» кеүек түңәрәктәрҙә, музыка мәктәбендә шөғөлләнәләр.
Аллаға шөкөр, уңыштары ла күҙгә күренә башланы: «Баш­ҡортостан ҡоштары» VIII республика интернет-конкурсында туғыҙ уҡыусым – таныҡлыҡ, Бөтә Рәсәй предмет-ара онлайн-олимпиадала Ислам Әлмөхәмәтов һәм Никита Синявский – Маҡтау ҡағыҙҙары, «Ҡа­ғыҙ тапшырып, ағасты һаҡлап ҡал!» акцияһында Әхсән Байков Рәхмәт хаты алды. Шулай уҡ үҙебеҙҙә Ғаилә йылына арнап уҙғарылған «Назаров уҡыу­ҙары»нан да ситтә ҡалманыҡ. Һайлап алыу турында биш уҡыу­сым ҡатнашһа, икенсе тур­ға Таһир Әхмәтов менән Кари­на Ғиззәтуллина үтте. Карина «Аҡбуҙат» журналының баш мөхәррире Тамара Юлдашева ҡулынан Маҡтау ҡағыҙына һәм иҫтәлекле китапҡа лайыҡ булды.
«Гимназистар сафына алыу» байрамында уҡыусыларым ҡунаҡҡа килгән апай-ағайҙарына, ата-әсәләренә матур сығыш­тар әҙерләгәйне, математика, уҡыу, әлифба, урыҫ теле дәрестәрендә өйрәнгән белемдә­рен күрһәтте. Уларҙың йырға, бейеүгә, һөйләүгә лә маһир­лыҡ­тарын белде килгән ҡунаҡтар.
Киләсәктә лә тик уңыштар­ға ғына өлгәшеп, уҡыусыларымдың яңы үрҙәр яулап, тырышып уҡыуҙарын теләйем. Ата-әсәләргә һәр ваҡыт шулай балалар өсөн ваҡыттарын йәлләмәүҙәрен, улдарын, ҡыҙҙарын мәктәп менән бер йүнәлештә тәрбиәләүҙәрен теләр инем.

Розалиә ЙӘЛИЛОВА, башланғыс синыфтар уҡытыусыһы.


Ауырғазы районы, Талбазы башҡорт гимназияһы.
Читайте нас в