Бөтә яңылыҡтар
Беҙгә килгән хаттарҙан
14 Декабрь 2018, 12:27

Донъя әсәйҙәр менән йәмле

Мәктәбебеҙҙә матур байрам үткәрҙек. «Донъя әсәйҙәр менән йәмле» тип аталды ул. Башланғыстарҙың синыф етәксеһе Миңлегөл Яхъя ҡыҙы Бай­ғужина менән әҙерләгән бай йөкмәткеле кисә барыһының да күңеленә хуш килде. Тамашасылар кем булдымы? Әлбиттә, беҙҙең хөрмәтле әсәй­ҙәр.

Ә уларҙың балалар менән бергә сығыш яһауы байрамға тағы ла йәм өҫтәне. Бигерәк тә Искәндәр Байғужиндың әсәһе Зимфира Рәшит ҡыҙының шиғыр һөйләүе, Нәзирә Таймасованың әсәһе Лилиә Мирғәли ҡыҙының «Һөйөү менән тыу­һын һәр бала» йырын башҡарыуы, ҡыҙҙар­ҙың коллектив бейеүҙәре көслө алҡыштарға күмелде.

Әсәләргә арналған байрам һәр кемдең күңелендә яҡты кисерештәр, йылы той­ғолар ҡалдырҙы. Ҡәҙерле кешеләребеҙ рәхмәт әйтеп, өйҙәренә ҡыуанып ҡайтып китте.


Гөлсинә МӘҒӘФҮРОВА, китапханасы.

Хәйбулла районы, Юлбарыҫ ауылы.