-16 °С
Болотло
VKOKfacebookTikTokInstagram
Бөтә яңылыҡтар
Беҙгә килгән хаттарҙан
14 Декабрь 2018, 13:06

Уңыш нигеҙе – тырышлыҡта

Гимназиябыҙҙа иҫке ҡағыҙ йыйыу акцияһы иғлан ителгәс, беҙҙең «Арғымаҡ» ирекмәндәр командаһы был эшкә дәррәү тотондо.

Малайҙар һәм ҡыҙҙар яҡындары менән бергәләп ҡулланылған дәфтәр, гәзит-журналдарҙы йыя ла башланы. Синыфыбыҙҙа иң әүҙеме Ислам Ғүмәров булып сыҡты. Уның ата-әсәһе ярҙамы менән беҙ 1 мең 154 килограмм иҫке ҡағыҙ йыйҙыҡ. Әйткәндәй, былтырғы уҡыу йылында 811 килограмм тапшырып, беренсе урын яулағайныҡ. Быйыл да иң-иңе булып, кинотеатрға 20 саҡырыу ҡағыҙы менән бүләкләндек.

Тәрбиәсебеҙ Нурия Туйсина гел генә дәртләндереп, һәр башланғысыбыҙҙы хуплап, ҡанатландырып торғас, эштәребеҙ ҙә уңа. Ошо уңыштарыбыҙ менән беҙ, ирекмәндәр, бик ҡәнәғәтбеҙ һәм киләсәктә лә тырышырға, беренселекте бирмәҫкә ниәт итәбеҙ. Уңыш нигеҙе бит – тырышлыҡта.


Эльвира АЛСЫНОВА, IX синыф уҡыусыһы.
Сибай интернат-гимназияһы.