-4 °С
Ҡар
Бөтә яңылыҡтар
Беҙгә килгән хаттарҙан
20 Декабрь 2018, 15:12
Беҙ үҙебеҙ – бөрйәндәр
Гитара моңдары, дәртле йырҙар, күңелле аралашыу, тәмлекәстәр... Бер кискә баш ҡалабыҙҙағы “Атмосфера” антикафеһы бөрйәндәр ҡорона әйләнде. Йырлап, бейеп, уйындар менән үҙебеҙсә, тап бөрйәндәрсә күңел астыҡ.
Бөрйән йәштәре һәм студенттарының берлеге үткәргән фатирник беренсе тапҡыр ойошторолдо. Тәүге ҡоймаҡ төйөрлө була, тиһәләр ҙә, ул шаулап-гөрләп, дәртле тулҡында үтеп китте. Яҡташтар берлеге ҡала, республика кимәлендәге сараларҙан, спорт бәйгеләренән, ярыштарҙан да ситтә ҡалмай. Район данын яҡлаған матурлыҡ бәйгеләре, музыкаль конкурстарҙа ҡатнашҡан Бөрйән йәштәренә ҙур терәк, ярҙам күрһәтә улар. Был ойошмаға әүҙем тормош яратҡан, яңылыҡтарға ынтылған ҡыҙҙар, егеттәр инә ала.
Сараны берлектең етәксеһе Инсур Кинйәбаев асып, баш ҡалабыҙҙа үткән спорт ярыштарында әүҙем ҡатнашып, Бөрйән данын яҡлаған әүҙем спортсы егеттәрҙе бүләкләне. Унан һуң Ильяс Айытбаев, Нәфис Зәйнуллин, Ринат Йәмилев үҙҙәренең дәртле йырҙары менән фатирниктың музыкаль өлөшөн башлап ебәрҙе. Айгөл Йәмилеваның шиғырҙары һәр кемдең күңеленә хуш килде. Әйткәндәй, фатирниктан һуң йәш шағирә тап Бөрйән йәштәренә бағышлап шиғыр ҙа ижад итте. Дамир Мәсәлимов йәштәргә думбыра моңдарын, ҡобайырҙан өҙөк тәҡдим итте. Бөрйәндең тағы ла бер шәп егете Динар Ғайсиндың гитарала уйнап йырлауы ла бик оҡшаны. Бергәләп йырлап, йәштәрҙе тағы ла берләштереп, дәртләндереп ебәрҙе.
Хуш еҫле сәй, тәмлекәстәр менән һыйланып, уйындар уйнап алғас, сара дәртле бейеүҙәр менән дауам итте. Яҡташтар менән саф башҡортса аралашып, үҙ көй-моңдарыбыҙ аша бер кискә Бөрйәнгә ҡайтып әйләнгәндәй булдыҡ.
Нурзилә Усманова.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж