-17 °С
Болотло
VKOKfacebookTikTokInstagram
Бөтә яңылыҡтар
Беҙгә килгән хаттарҙан
28 Декабрь 2018, 13:37

«Йөрәк һүҙе»н еткерҙек

Халҡыбыҙҙың яҙмышы, теле өсөн битараф булмаған, Тыуған илем, тип янып-көйөүселәр, шиғриәткә ғашиҡ кешеләр килгән ине был сараға. Беҙҙең гимназиябыҙҙа «Йөрәк һүҙе» бәйгеһе тәүге тапҡыр уҙҙы.

Бына бер-бер артлы сәхнәгә күтәрелә башланылар. Тыуған ил, туған тел, тыуған яҡ тәбиғәте, һөйөклө әсәйҙәр тураһында матур йөкмәткеле шиғырҙар ятлаған ине бәйгеселәр.

Шулай итеп, беренсе урынға Сыңғыҙ Ғарифуллин (VI «А») әсәһе Илзирә Ришат ҡыҙы менән, Ралина Хәбибрахманова (III «А») әсәһе Гөлнара Фәрит ҡыҙы менән лайыҡ булды.

Шиғырҙарҙы тасуири, ил­һамланып уҡып, Вилдан Хамматов (II «А») атаһы Азат Иршат улы, Ғайсар Хәмитов (III «А») әсәһе Руфина Мөхтәр ҡыҙы, Алияна Мортазина (II «Б») уҡытыусыһы Гөлдәр Ғәли ҡыҙы Әхмәҙишина менән икенсе урын яуланы.

Йөрәк һүҙен тамашасыларға еткерергә тырышып, бар күңелдәрен биреп шиғыр һөйләүселәр – Илвина менән Зарина Шәйәхмәтовалар (V «А», II «А»), Айгизә Алтыншина (V «А») уҡытыусыһы Гөлзифа Фәнил ҡыҙы Мырҙағолова менән, Батыр Миңлейәров (VII «А») әсәһе Сәғирә Әхмәт ҡыҙы менән, I «А» синыфы уҡыусыһы Рәүил Исламов һәм дә VII «А» синыфы уҡыусылары Наҙгөл Шөғәйепова һәм Сивара Саламовалар өсөнсө урындарҙы бүлеште.

Илзирә ҒАРИФУЛЛИНА, китапханасы.


Өфө ҡалаһы, 102-се башҡорт гимназияһы.