+12 °С
Ямғыр
Бөтә яңылыҡтар
Беҙгә килгән хаттарҙан
11 Ғинуар 2019, 17:00
Мин бәхетле!
Күлдәргә бай, матур тәбиғәтле Әбйәлил ерендә донъяға килгәнмен. Тыуған ауылым Яңы Балапан Бәләкәй Ҡыҙыл йылғаһы буйында урынлашҡан. Унда бик тырыш кешеләр йәшәй. Береһенән-береһе матур йорттар, урта мәктәп, балалар баҡсаһы, мәсет, магазиндар, клуб бар. Ауылымдың уртаһынан Саңдүҙәк шишмәһе аға.
Ә бөгөн мин һеҙгә үҙемдең ғаиләм тураһында һөйләгем килә. Атайым менән әсәйем алты балаға ғүмер бүләк иткән. Иң өлкән апайым Әлиә – инглиз теле уҡытыусыһы, үҙ ғаиләһе менән баш ҡалабыҙ Өфөлә йәшәйҙәр. Артур һәм Азамат ағайымдар контракт буйынса хеҙмәт итәләр. Азалиә апайым туғыҙынсы синыфта тик яҡшы билдәләргә генә өлгәшә. Кинйәбеҙ Салауатҡа ике генә йәш булыуға ҡарамаҫтан, төрлө һөнәрҙәре менән ҡыуандырып, кис һайын беҙгә концерт күрһәтә. Мин үҙемдең ғаиләмде бик ныҡ яратам.
Атайымды ауылда, алтын ҡуллы, тиҙәр. Ул семәрләп тәҙрә яңаҡтары, ҡапҡалар яһай, оҫта итеп мейес сығара. Ә әсәйемдең тәмле итеп ҡойған буҙаһы, ыҫланған ҡороттары телеңде йоторлоҡ. Ул ҡул эшенә лә оҫта. Беҙгә йылы ойоҡтар, бейәләйҙәр бәйләй. Атай менән әсәйгә беҙ ҙә ярҙам итәбеҙ. Йәй көнө күмәкләп бесән әҙерләйбеҙ, еләк, бәшмәк йыябыҙ, артҡанын һатып та ебәрәбеҙ.
Баҡса үҫтереү серҙәренә беҙҙе лә өйрәтәләр. Мин бәхетле ошондай матур, татыу ғаиләлә йәшәүемә. Киләсәктә Башҡортостаныбыҙға кәрәкле кеше булып үҫермен, илебеҙгә файҙа килтерермен, атайым һәм әсәйем кеүек матур, эшһөйәр булырмын, тип уйлайым.
Розалиә МӨХӘМӘҘИЕВА, IV синыф уҡыусыһы.
Әбйәлил районы, Яңы Балапан ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж