+30 °С
Болотло
Бөтә яңылыҡтар
Беҙгә килгән хаттарҙан
11 Ғинуар 2019, 17:28
Ҡоштар – беҙҙең дуҫтар!
Бына сатнама һыуыҡтары менән ап-аҡ ҡыш килде. Көндәр һыуыныу менән ҡанатлы дуҫтарыбыҙға көн итеүе ауырлашты. Теремек турғайҙар ҙа, йылғыр сәпсектәр ҙә ем эҙләп, кешеләрҙән ярҙам һорағандай, сырҡылдаша.
Гимназиябыҙҙа йыл да «Ҡоштарға ярҙам ит!» тигән акция ойошторола. Уҡыусылар ҡоштар тураһында шиғырҙар, хикәйәләр уҡый, һүрәттәр төшөрә. Ҡанатлы дуҫтарыбыҙға ҡыш көнө аҙыҡ табыуы ауырлашыуы тураһында аңлатабыҙ. Уларға ярҙам ниәтенән балалар ҡоштар өсөн «ашханалар» ойоштора. Һәр синыф тырышып-тырмашып тағараҡ эшләргә тотона. Уны ниндәй генә материалдан яһамайҙар?! Фанерҙан да, таҡтанан да, кефир һауытынан да, картондан да. Ана, күрегеҙ, атайҙары, ағайҙары, олатайҙары менән бергәләп эшләгәндәре бигерәк тә матур килеп сыҡҡан (һүрәттә).
Минең беренселәрем дә акциянан ситтә ҡалманы. Бигерәк тә малайҙарым ҡыуандырҙы. Айгиз Мәүлитов, Ислам Әлмөхәмәтов, Таһир Йәғәфәров, Айназ Рафиҡов атайҙары менән тағараҡтар яһаһа, Артём Мәүлитов менән Әхсән Байков үҙ ҡулдары менән ябай буш кефир һауытынан, картон ҡумтанан эшләп ҡуйҙы.
Хәҙер ҡыштың һыуыҡ көндәрендә ҡанатлы дуҫтарыбыҙ асыҡмаҫ инде. Беҙгә тағараҡ яһарға ярҙам иткәндәре өсөн атай, олатайҙарға рәхмәт әйтке килә.
Розалиә ЙӘЛИЛОВА, башланғыс синыфтар уҡытыусыһы.
Ауырғазы районы, Талбазы башҡорт гимназияһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64.
Электрон почта
Адресы
450079, г. Уфа, ул. 50 летия Октября, 13, 8-й этаж