+12 °С
Ямғыр
Бөтә яңылыҡтар
Беҙгә килгән хаттарҙан
11 Ғинуар 2019, 17:31
Пластилиндан – мөғжизә
Кемдер һүрәт төшөрөргә, шиғырҙар ижад итергә маһир булһа, мин пластилиндан төрлө әйберҙәр эшләргә яратам. Был шөғөлгә ҡасан ныҡлап тотондом һуң? Иҫкә төштө! Иң беренсе ҡамырҙан төрлө һындар әүәләнем. Беренсе эшем ҡулына сәскә тотоп торған ҡуян булды. Әсәйемдең печенье ҡамырынан эшләп, башҡа ризыҡтары менән бешерергә ултырттыҡ. Шулай тәүге эшем әҙер булды. Нисек ҡыуанғанымды күрһәгеҙ!
Тик уны уҡыуҙан ҡайтҡас, Ләйсән апайым ашаған да ҡуйған. Шул ҡуянды йәлләп илауҙарым! Аҙаҡ апайым төрлө һындар эшлә, тип пластилин алып ҡайтып бирҙе. Ул ваҡыттан алып алты-ете йыллап ваҡыт үткәндер. Нимәләр генә эшләмәнем! Сәскә тотҡан ҡуян, тәлмәрйен, панда, фил, мультфильм геройҙары – Смешариктар, Фиксиктар, Лунтик, Майнкрафт һәм башҡалар. Ҡыҙғанысҡа ҡаршы, уларҙың береһен дә һаҡламағанмын. Быйылдан барыһын да атайым яһап биргән кәштәгә ҡуйып барасаҡмын.
Әле ике кәзә бәрәсем, этем Буранды әүәләнем. Башлар алдынан ныҡ итеп уйлайым, һәр береһен күҙ алдыма килтерәм. Интернеттан, гәзит-журналдарҙан да ҡарап эшләгән һындарым бар. Уларҙы атай-әсәйемә, туғандарыма тыуған көндәрендә, төрлө байрамдарҙа ла бүләк итеп бирергә яратам. Хатта ҙурайғас, үҙем йәшәйәсәк өйҙөң һынын да эшләп ултырттым әле. Ул ике ҡатлы, янында машинам урын алған. Сөнки хыялдар ҡасан да бер тормошҡа ашасағына ышанам. Мин Ләйсән апайыма рәхмәтлемен, әлдә ҡамырҙан эшләгән ҡуянымды ашаған. Юҡһа, әлеге көндә яратҡан шөғөлөм булмаҫ ине. Ә һеҙ нимә менән ҡыҙыҡһынаһығыҙ?!
Юлдаш БУЛАТОВ, йәш хәбәрсе.
Баймаҡ районы, Билал ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж