+12 °С
Болотло
Бөтә яңылыҡтар
Беҙгә килгән хаттарҙан
11 Ғинуар 2019, 17:04
Өйгә ҡайтырға ашығабыҙ
Дәрестәр бөтөп, түңәрәктәрҙә шөғөлләнгәс, ҡустым менән өйгә ҡайтырға ашығабыҙ. Азамат робототехниканы ярата. Республика буйынса үткән бәйгеләрҙә ҡатнашып, Маҡтау ҡағыҙҙары ла алды. Әсәйемдең ишек асып инерен көтөп кенә торабыҙ. Минең өсөн уның йылмайыуын күреүҙән дә бәхетлерәк мәл юҡтыр!Эйе, әсәйемдең йөҙө гел яҡты ҡояштай булһын. Уны борсомаҫҡа тырышабыҙ. Әлеге ашығып ҡайтыуыбыҙҙың да сәбәбе бар: өйҙә үҙебеҙсә тырышып, аш-һыуҙар әҙерләп торабыҙ. Ризыҡ тәмле килеп сыҡһын өсөн күңел һалып башҡарыу кәрәклеген күптән инде унан өйрәндем.
Әсәйем гимназиябыҙ китапханаһында бына 18 йыл инде эшләй. Китаптарын, сабыйҙарҙай күреп, һөйөп-һөйөп ала ул! Эшенән йәм табып йәшәй белә әсәкәйем! Ҡул эштәре менән мауыға, янып торған мәрйендәрҙән селтәр нағышлап алды.
Тәҙрәләрҙә уттар балҡығас, инде эшенән һуң ғына бушаған атайымдың ҡайтыуын күмәкләп көтәбеҙ. Ул бер эштән дә ҡурҡып тормай. Ҡулына аттестат алыу менән шофёр һөнәрен үҙләштерә. Әрме сафына киткәнсе төрлө эштә йөрөй. Ил һағынан һуң крансы булып эшен дауам итә.
Йәйге каникул ваҡыттарын ғаиләбеҙ менән Үткәл ауылында уҙғарабыҙ. Бында атайымдың әсәһе Маныя өләсәйем йәшәй. Ул 5 бала тәрбиәләгән. 40 йыл һауынсы булған. Әле өләсәйемә – 86 йәш. Ауырып киткәс, уның янына йышыраҡ барырға тырышабыҙ. Быйыл ҡыҙыл көртмәле уңды. Яңы ғына әҙерләнгән ҡайнатма менән һыйлап, үҙенән әллә нисә ҡат рәхмәт һүҙҙәре ишеттем. Ҡасандыр гиҙгән тау-урмандарын бик һағына ул. Үҙ ҡулдары менән емеш-еләк өҙөп ҡаба алған осорҙарына кире ҡайта алмауына эсе бошоңҡорай.
Өләсәйем ейән-ейәнсәрҙәре өсөн өҙөлөп тора. Серле һандығын асып, ҡаттар һалып тегелгән күлдәген, тәңкә, ялтырауыҡ, затлы таштар менән биҙәлгән камзулын кейһә, мөғжизәле һаҡалын тағып алһа, унан да бәхетлерәк кеше юҡтыр!
Тиҙерәк һауыҡ, ҡәҙерле өләсәй!
Азалиә ШӘҒӘЛИНА, IX синыф уҡыусыһы.
Белорет ҡалаһы, Яныбай Хамматов исемендәге башҡорт гимназияһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89170477422.
Электрон почта
Адресы
450079, г. Уфа, ул. 50 летия Октября, 13, 8-й этаж