-6 °С
Болотло
Бөтә яңылыҡтар
Беҙгә килгән хаттарҙан
25 Ғинуар 2019, 15:10
Өфөнән – яҡшы кәйеф менән!
Башҡорт теле һәм әҙәбиәте буйынса төбәк-ара олимпиада минең күңелемдә матур тәьҫораттар ҡалдырҙы. Өс көн дауамында барған сәмле ижади ярышта туған телебеҙҙе, тарихыбыҙҙы, күренекле шәхестәребеҙҙе, мәҙәниәтебеҙҙе белеүебеҙҙе, әңгәмә ҡороу оҫталығыбыҙҙы күрһәттек.
Был мәртәбәле бәйгелә районыбыҙ намыҫын Әбүбәкерҙән Айгүзәл Билалова, Мәҙинә Акилова, Йәнтештән мин, Данил Хәлимов, Сиҙәмдән Мәҙинә Рамаҙанова, Нурия Ласынова, Татырүҙәктән Альбина Сыңғыҙова, Аҡъярҙағы 2-се мәктәптән Карина Прозорова, Яңы Ергәндән Дилфүзә Мәмбәтова, Степнойҙан Линара Борисовалар яҡланы.
Беренсе көн ярыштан һуң етәкселәребеҙ Фирүзә Иштәкбаева менән Гөлнара Назаровалар беҙҙе Салауат Юлаев майҙанында урынлашҡан шыршы янына алып барҙы. Күмәкләшеп иҫтәлеккә фотоға төштөк. Бик күңелле булды.
Иртәгеһенә лә һынауҙар бөткәс, күргәҙмә үҙәгендәге тарихи паркты барып күрҙек. Уның һәр бер залында тарихи шәхестәр тураһында бай мәғлүмәт тупланған. Сәғәт ярым барған экскурсия һиҙелмәй ҙә үтеп китте.
Ниһайәт, көтөп алған бүләкләү көнө һәм ваҡыты етте. Йөрәк тулҡынлана. Һигеҙенселәр араһында – Данил Хәлимов, ә туғыҙынсылар бәйгеһендә мин призёрҙар исемлегенә индек. Икебеҙҙең дә Йәнтеш мәктәбенән булыуыбыҙ оло ҡыуаныс. Ә Татырүҙәктән ун беренсе синыф уҡыусыһы Альбина Сыңғыҙова олимпиаданың еңеүсеһе тип билдәләнде.
Беҙҙе Өфөгә алып барған райондың башҡорт теле һәм әҙәбиәте уҡытыусыларының методик берекмә етәксеһе Фирүзә Әхмәҙулла ҡыҙына һәм Йәнтеш мәктәбенең башҡорт теле һәм әҙәбиәте уҡытыусыһы Гөлнара Мөҙәрис ҡыҙына, Аҡъярҙағы 1-се мәктәптең автобус шофёры Мәжит ағайға, шулай уҡ мәғариф бүлеге начальнигы Юлай Сиражетдиновҡа, район мәғариф идаралығының туған телдәр буйынса методика бүлеге етәксеһе Ғәни Бикбаевҡа ҙур рәхмәтебеҙҙе еткерәбеҙ.
Илгинә ҒИЛӘЖЕВА, IX синыф уҡыусыһы.
Хәйбулла районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж