+8 °С
Болотло
Бөтә яңылыҡтар
Беҙгә килгән хаттарҙан
1 Февраль 2019, 13:23
Саҡыра гитара ҡылдары
Тәүге тапҡыр «Ҡош юлы»на әсәйем дуҫтары менән күрешеү өсөн алып барғайны. Беҙҙең районда уҙҙы был фестиваль. Ундағы серле мөхит арбаны. Ниңә балалар өсөн «Ҡош юлы» юҡ икән, тип уйлап өлгөрмәнем, был фестиваль тураһында иғлан сыҡты… Унда миңә лә ҡатнашыу бәхете тейҙе.
Гитара менән мауығыуым Сибай ҡалаһындағы уҙғарылған беренсе ҡала фестиваленә алып килде. «Бәйләнештә» сайтында «Музыка юлдары буйлап» тигән сараның үтеүе тураһында иғлан күреп ҡалыу менән ике тойғо көрәшә башланы: барырғамы, юҡмы? Көнө килеп еткәс тә уйлана инем. «Барайыммы икән?» – тип әсәйемә өндәшәм. Ул: «Ана, тиҙ генә «Бәйләнештә»н машина ҡара», – ти. Ысынлап та, шулай иттем.
Сибай институтына барып, теркәлеү үтәм. Нисек килдең, ҡалайтып ҡайтаһың, тип жюри ҡыҙыҡһына. Ағайым бында уҡығас, бер ни ҙә ҡурҡытмай.
Бына конкурс башланды. Бөтәһе 30 ҡатнашыусы, таныш йөҙҙәр ҙә бар. Уҡыусыларға ҡарағанда студенттар күберәк. Кемдер үҙе яҙған көйҙө лә башҡарҙы. Абруйлы жюри сығышыбыҙҙы баһаланы. Баһалама төркөмө рәйесе, Сибай ҡала Советының депутаты, сәнғәт колледжының директор урынбаҫары Виктор Николаевич Тюрин ҡатнашыусыларға үҙенең теләктәрен дә, тәнҡитен дә еткерҙе.
Был фестиваль йыл һайын уҙғарыласаҡ. Гитара ҡылдарының моңдары бар йәш-елкенсәкте арбаһын, тигән теләктәмен. Һеҙ ҙә өйрәнегеҙ. Әйткәндәй, был конкурста мин икенсе урын менән билдәләндем. Һәр ҡатнашыусы сертификат алып ҡыуанды. Күсмә приз 9-сы лицейҙың «Эльза» музыкаль төркөмөнә тапшырылды.
Нәркәс БАЙМЫРҘИНА, йәш хәбәрсе.
Әбйәлил районы, Асҡарҙағы Таһир Күсимов исемендәге гимназия.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64.
Электрон почта
Адресы
450079, г. Уфа, ул. 50 летия Октября, 13, 8-й этаж