+12 °С
Ямғыр
Бөтә яңылыҡтар
Беҙгә килгән хаттарҙан
15 Февраль 2019, 16:28
Күңелле лә, ҡыҙыҡлы ла
Мәктәбебеҙҙә башҡорт теле һәм әҙәбиәте аҙналығы уҙҙы. Уҡыусыларҙа телгә һөйөү, туған телебеҙ менән ғорурланыу тойғоһо уятыу, халыҡ ижадын, йолаларын, балалар фольклорын өйрәтеү, таратыу эштәре маҡсат итеп ҡуйылды. Шулай уҡ аҙналыҡ Театр йылына ла арналды. Уның барышында төрлө саралар уҙғарылды.
V, VIII һәм VI, VII синыфтарҙан «Батырҙар» һәм «Отҡорҙар» командалары төҙөлөп, ҡыҙыҡлы уйын үткәрелде. Сәмле ярышты яратып ҡараныҡ.
Һәр синыф әкиәттәр сәхнәләштереп тә күрһәтте. Бишенселәр – «Кем минең әсәйем?»де, алтынсылар – «Бүре һәм кәзә бәрәстәре»н, етенселәр — «Ҡуян менән Арыҫлан»ды, һигеҙенселәр «Ҡарға ни өсөн исемен тултырып әйтмәй?»ҙе ҡуйҙы. Барыһы ла бик килештереп уйнаны.
«Ап-аҡ ҡыш шаҡый тәҙрәне» бәйгеһендә шиғырҙар ятланылар. Нәркәс Әхмәтйәнова иң оҫта һөйләүсе булып танылды.
V – VII синыф уҡыусылары «Аулаҡ өй» йолаһын бик матур итеп әҙерләп күрһәтте. Декорация, костюмдар урынлы булды. Халыҡ уйындарын уйнанылар, бейеүҙәр башҡарҙылар, таҡмаҡтарын, әйтем-мәҡәлдәрен әйттеләр. Тамаша бөтәһенә лә оҡшаны.
Һәр көн тәнәфестә башҡорт фольклорынан алынған «Үгеҙ йөҙөк», «Көлдөрөүсе», «Боҙоҡ телефон», «Ашай-ашамай» уйындарын ҡараныҡ. Шулай уҡ «Иң күп китап уҡыусы» (Фаягөл Ғәлимова, Нәркәс Әхмәтйәнова, Линара Баязитова), «Иң етеҙ уҡыусы» (Линара Баязитова, Зәкир Мырҙагилдин, Айназ Мырҙагилдин), «Иң таҙа дәфтәр» (Азалиә Ғәлимова), «Иң әүҙем уҡыусы» (Эльвина Вәхитова, Дияз Мөхәмәтйәнов, Ильяс Шөғәйепов) номинацияларында еңеүселәр билдәләнде.
Аҙналыҡта һәр көнөбөҙ ҡыҙыҡлы үтте. Бөтә сараларҙа әүҙем ҡатнашҡан уҡыусыларға рәхмәт әйтелеп, Маҡтау грамоталары тапшырылды.
Сәүиә ЗАКИРОВА, башҡорт теле һәм әҙәбиәте уҡытыусыһы.
Белорет районы, Ғәбдөк ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж