-5 °С
Ҡар
Бөтә яңылыҡтар
Беҙгә килгән хаттарҙан
15 Март 2019, 13:41
Китапханаға сәйәхәт
Бына беренселәрем тәүге китаптары әлифба менән хушлашты. Хәҙер уҡырға өйрәнеп алғас, рәхәт, атай-әсәйгә, апай-ағайҙарға инәлеп тораһы юҡ.
Хәрефтәрҙән һүҙҙәр, һүҙҙәрҙән һөйләмдәр төҙөп, мәғәнәһен аңлап алһалар, күҙҙәре янып, балҡып китә кескәйҙәрҙең. Миңә ошо ҡыуаныслы мәлде күҙәтеү ҡыҙыҡ та, шатлыҡлы ла. Гимназиябыҙҙың китапханасыһы Розалиә Заһитова сәйәхәт ойоштороп, китаптар менән дуҫ булырға кәрәклеген аңлатҡас, район балалар китапханаһын да барып күрергә теләнек. Серле белем иле, ысынлап та, мауыҡтырғыс ине. Ниндәй генә китаптар, уйынсыҡтар, башватҡыстар юҡ икән бында! Район балалар китапханаһының уҡыу залына яңы йорт йыһаздары, кескәйҙәр өсөн төрлө сағыу һүрәтле йыйынтыҡтар, ҡул суҡтарын үҫтереү өсөн уйындар алынған. Балалар бында рәхәтләнеп ял итеп тә ала.
Китапханасы Гүзәл Аҡбашева апайҙары китаптың барлыҡҡа килеүе тураһында мауыҡтырғыс мәғлүмәт бирһә, Светлана Әмерханова апайҙары бармаҡ менән һүрәт төшөрөү серҙәрен өйрәтте. Рәсем яһап бөткәс, ҡурсаҡ театры ла ойошторҙоҡ. Балалар «Шалҡан» әкиәтен оҫта итеп сәхнәләштерҙе. Беҙҙе шулай йылы ҡаршы алып, уҡыусыларыма белем иленә сәйәхәт ойоштороуҙа ярҙам иткәндәре өсөн китапханасы апайҙарға ҙур рәхмәтемде белдерәм.
Телевизор, компьютер, интернет заманында йәшәһәк тә, төп белем сығанағы китап икәнен оноторға ярамай. Ошондай китапханалар һәм үҙ эштәрен еренә еткереп башҡарған китапханасылар булғанда балалар тәрбиәле һәм белемле булып үҫерҙәр, тигән өмөттә ҡалам.
Телевизор, компьютер, интернет заманында йәшәһәк тә, төп белем сығанағы китап икәнен оноторға ярамай. Ошондай китапханалар һәм үҙ эштәрен еренә еткереп башҡарған китапханасылар булғанда балалар тәрбиәле һәм белемле булып үҫерҙәр, тигән өмөттә ҡалам.
Розалиә ЙӘЛИЛОВА, башланғыс синыф уҡытыусыһы.
Ауырғазы районы, Талбазы башҡорт гимназияһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж