+25 °С
Болотло
Бөтә яңылыҡтар
Беҙгә килгән хаттарҙан
12 Апрель 2019, 15:49
Уларҙы бейеү дуҫлаштырҙы
Беҙҙең гимназияла һәләтле балалар бихисап. Мин һеҙҙе бөгөн VI «Б» синыфында уҡыусы Асия Ғәлләмова, Азат Муллабаев, Софья Филиппова, Радмила Смаковалар менән таныштырырға булдым. Улар уҡыуҙа ла һынатмай, синыфтан тыш сараларҙа ла әүҙемдәр.
Синыфташтар һәр ерҙә лә бергә: бер белем усағында уҡыйҙар, балалар сәнғәт мәктәбендәге хореография бүлегенең «Бейеү формулаһы» коллективында шөғөлләнәләр. Улар билдәле хореографтар – Ирина һәм Николай Плотниковтар, концертмейстер Оксана Миронова етәкселегендә бейеү сәнғәте серҙәренә төшөнә. Коллективтары менән халыҡ-ара, республика, район кимәлендә үткәрелгән фестиваль, мәрхәмәтлелек акцияларынан да ситтә ҡалмай, һәйбәт уңыштарға өлгәшәләр. Мәскәүҙә «Рәсәй таланттары» бәйгеһендә еңеүсе булһалар, республика буйынса «Афарин» конкурсында икенсе урынға сыҡтылар. «Илһам» ижади ярышында Гран-при алдылар. Күптән түгел ҡала мәҙәни ял үҙәгендә Башҡортостандың 100 йыллығына, Орджоникидзе районының юбилейына арналған ҙур концертта ла ҡатнашып, тамашасы һөйөүен яуланылар.
Репертуарҙарындағы башҡорт, татар, мари, ҡытай халыҡ, хип-хоп стилендәге бейеүҙәре һәр кемдең күңеленә хуш килә. «Дуҫлыҡ», «Һабантуй», «Сәксәк», «Шаян ҡыҙҙар», «Ҡала балалары» – шуларҙың бер өлөшө генә. 6 – 7 йәштән генә бейеүгә йөрөй башланған был балалар күп нәмәгә өйрәнеп, хәҙер үҙҙәре лә кескәй бейеүселәргә оҫталыҡ дәрестәре бирә ала.
Асия, Азат, Радмила, Софья һәм егерменән артыҡ бала бер татыу ғаиләгә әйләнде, тиһәм, һис тә яңылыш булмаҫтыр. Сөнки бейеү уларҙы берләштерҙе, уңыштар, уңышһыҙлыҡтарҙы бергә кисерергә өйрәтте. Киләсәктә ниндәй һөнәр һайлаһалар ҙа, бейеү менән дуҫ булып ҡалырҙар, тип ышанғы килә. Яңы үрҙәр яуларға яҙһын һеҙгә, йәш таланттар!
Айһылыу ШӘЙБӘКОВА, башҡорт теле һәм әҙәбиәте уҡытыусыһы.
Өфө ҡалаһы, 82-се гимназия.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64.
Электрон почта
Адресы
450079, г. Уфа, ул. 50 летия Октября, 13, 8-й этаж