+12 °С
Ямғыр
Бөтә яңылыҡтар
Беҙгә килгән хаттарҙан
17 Май 2019, 14:37
Урам сәхнәһендә – кескәйҙәр!
Мәктәптән ҡайтып инһәм, өй эргәһендәге бағанала ниндәйҙер ҡағыҙ эленеп тора. «Һеҙҙе 9 май 18:00 сәғәттә Салауат Юлаев урамы балалары күңелле тамашаға саҡыра», тигән белдереү ҡалдырып киткәндәр икән.
Һуңғы ваҡытта кескәйҙәрҙең урамда велосипедта елдереп, туп тибеүҙәре һирәгәйә башланы. Баҡтиһәң, улар уйынды бер аҙ ситкә ҡуйып, байрамға әҙерлек башлаған икән. Мәктәптән, балалар баҡсаһынан ҡайтып бөттөләрме – араларындағы өлкәнерәктәр Байрас ағайҙың баҡсаһына урамдағы 25-кә яҡын баланы йыйып, геү киләләр.
Бөгөн киске сәғәт 6 тулыуға ҡарай урамдан ҡыҙҙар һәм малайҙар байрамса кейенешеп, шат йылмайып китеп тә бара ине. Оҫта ҡуллы ҙурыраҡтары тамашасылар өсөн эскәмйә лә эшләп ҡуйған. «Сәхнә»һен дә үҙҙәренсә матур итеп биҙәгәндәр, хатта «гримёр бүлмәләре» лә бар бит әле. Алып барыусы Фирзәлиә килгән атай-әсәйҙәрҙе, өләсәйҙәрҙе Еңеү байрамы менән ихлас күңелдән ҡотлап, изге теләктәрен еткергәс, концерт башланып та китте. Артистарҙың тамашаһынан һис кенә лә ҡалышмай! Ҡунаҡтарға дәртле йыр, бейеүҙәр, шиғырҙар ғына тәҡдим итеп ҡалманылар, кескәйҙәр көләмәстәрҙе лә оҫта сәхнәләштереп күрһәтте.
Тормош мәшәҡәттәренән бер аҙға ғына булһа ла арындырып, күңелле ял минуттары, онотолмаҫ тәьҫораттар бүләк иткәндәре өсөн ололар рәхмәт әйтеп, яҡшы кәйефтә таралышты. Бәләкәстәрҙең дә күҙҙәрендә осҡон сатҡыһы, күңелдәрендә дәрт ине. Римма һәм Земфира апайҙары таратҡан күстәнәстәр менән һыйланып, ҡыуанышып ҡайтып киттеләр.
Был кескәй тамашанан һуң, киләсәгебеҙ – ышаныслы ҡулдарҙа, тип шатланырға ғына ҡала. Дер һелкетеп алдығыҙ бит урамды! Артабан да балалар тауышынан ауылыбыҙ гөрләп торһон. Афарин, ҡыҙҙар, малайҙар!
Айгөл СӨЛӘЙМӘНОВА, йәш хәбәрсе.
Бөрйән районы, Әбделмәмбәт ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж