-3 °С
Болотло
Бөтә яңылыҡтар
Беҙгә килгән хаттарҙан
24 Май 2019, 11:58
Күҙ теймәһен Айтуғанға, ғашиҡ булған ҡурайға!
Иҙел башындағы беҙҙең Яныбай Хамматов исемендәге уҡыу йортон юҡҡа ғына «йырсы гимназия» тип атамайҙар. Был белем усағында йыр-моңға ғашиҡ балалар бик күп. Шуларҙың береһе – XI синыф уҡыусыһы Айтуған Заһитуллин.
Суверенитет бүләге булып асылған гимназияла ул I синыфтан алып уҡый. Рәхәтләнеп үҙ телендә аралаша, милләте данын арттырып, төрлө конкурстарҙа ҡатнаша. Ҡурай моңона булған һөйөү егеткә нәҫелдән тапшырылған. Бабаларының ҡулынан ҡурай төшмәгән. Атаһы Азамат уҙаман да улын гармун тартып бейеткән. Ә II синыфта Айтуған Дамир Басир улының ҡурай түңәрәгендә ихлас шөғөлләнә башлай.
Ҡыраҡа тауҙарында үҫкән ҡарағайҙарҙай һомғол буйлы әңгәмәсем, инде байтаҡ тәжрибә туплап өлгөргән ҡурайсым, бала саҡ хыялдары менән ихлас бүлеште: «Ябай ғына, еңел генә көпшәнән йүгерек гөрләүектәр моңо ағылыуы мине хайран итә килде. Туҡта әле, ҡыш та мин шаян гөрләүекте янымда ҡалдыра, ҡоштарымды йырлата, аттарымды кешнәтә алам бит ул, – тигән уй тынғы бирмәне. – Барыһын да үҙемә ҡаратып, моңома арбап алғым килде. Үҙемде ҙур сәхнәлә, аяҡтарымды ныҡ баҫып, күкрәгемде киреберәк торғандай итеп хис иттем. Залдағылар күҙе – һиндә, себен осҡан тауыш та ишетелмәй, һәр кем йотлоғоп тыңлай... Аҙаҡ көслө алҡыштар... Ҡул сабыуҙарҙа гөрләүек йыры ишетәсәкмен…»
Эйе, Айтуғандың уйҙары тормошҡа ашты. Ныҡышмаллығы ярҙам итте, бөгөн ул маҡсатына иреште. IV синыфтан алып сәхнәләрҙән төшкәне юҡ. Гимназиябыҙ уҡыусыһының өлгәшкән ҡаҙаныштары – беҙҙең дә оло шатлығыбыҙ. Бер нисә йыл рәттән ҡатнашып, Шығай ҡурайсыһы Таип Латипов исемендәге бәйгелә Гран-при ҙа яуланы. Учалы, Өфө ҡалаларында уҙғарылған йәш музыканттарҙың Бөтә Рәсәй конкурсында призлы урын алып һөйөндөрҙө. Башҡорт музыка ҡоралдарында уйнаусыларҙың төбәк-ара бәйгеһе лауреаты. Үҙе менән бергә ансамблдә гармунда уйнарға атаһын да ҡыҙыҡһындырҙы ул.
Республика кимәлендә ойошторолған төрлө сараларҙа инсценировкаларҙа уйнау өсөн дә Айтуғанға күҙ төбәп торабыҙ. Синыфташтары уны ихтирам итә. Үҙе лә кеселекле, ярҙамсыл. Гитара ҡылдары серенә лә төшөндө. Әҙәби китаптар уҡыуҙан йәм таба, тәбиғәттән көс ала, таштар донъяһы менән мауыға.
Сығарылыш синыфы уҡыусыбыҙҙың яҡты маҡсаттарына ирешеүен теләйбеҙ. Сәскәләр бәйләме тотоп, киләсәктә ул ойошторор концерттарға йөрөргә өмөтөбөҙ ҙур. Ҡулыңдан ҡурайың төшмәһен, халҡыбыҙ моңонан илһамланып йәшә, Айтуған!
Зөһрә ҮТӘҒОЛОВА, йәш хәбәрселәр түңәрәге етәксеһе.
Белорет ҡалаһы,Яныбай Хамматов исемендәге башҡорт гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж