-3 °С
Ясна
Бөтә яңылыҡтар
Беҙгә килгән хаттарҙан
7 Июнь 2019, 12:35
"Йыр булһын юлдашым!"
Өфө ҡалаһының 48-се башҡорт лицейында «Йыр булһын юлдашым!» исемле конкурс үтте. Ул Башҡортостандың һәм халыҡ шағиры Мостай Кәримдең 100 йыллыҡ юбилейҙарына арналды. Бәйгелә V – XI синыф уҡыусылары, уҡытыусылар, балалар баҡсалары тәрбиәселәре әүҙем ҡатнашты.
Йырҙар башҡорт һәм татар телдәрендә яңғыраны. Конкурста «Вокал», «Дуэт», «Ансамбль» номинациялары булдырылған ине. Һәр бер ҡатнашыусы асыҡ сағыу төҫлө костюмдары, көслө тауыштары менән айырылып торҙо. Тамашасылар бигерәк тә «Яҙмыштарҙан уҙмыш бар», «Йылғалар төнөн һөйләшә», «Кис ултырып ҡыҙҙар сигеү сигә», «Уҡытыусыма», «Аҡтаныҡ» йырҙарын бирелеп тыңланы, хатта ҡушылып йырланы.
Иң-иңдәрҙе һайлап алыу баһалама ағзаларына бик ауырға тура килде. Сөнки конкурсанттар бик көслө генә ине. Айырым башҡарыусылар араһында 129-сы мәктәптән Марсель Закиров менән Ксюша Зәйнуллина Гран-приға лайыҡ булды. Вокал коллективтарынан беренсе урынды 64-се гимназия уҡыусылары яуланы.
Уҡытыусылар һәм тәрбиәселәр араһында ла бәйге ҡыҙыу барҙы. Шулай итеп, абруйлы жюри Гран-приҙы 82-се гимназияның музыка уҡытыусыһы Илмира Мөхәмәтйәноваға бирергә ҡарар итте. Беренсе урынды 102-се балалар баҡсаһы тәрбиәсеһе Альбина Әминева алды. «Дуэт» номинацияһында сағыу костюмдары, моңло йырҙары менән 221-се балалар баҡсаһы тәрбиәселәре Алина Лоҡманова менән Ләйсән Рәжәпова еңеүсе булды, ә II урынды беҙ Айһылыу Шәйбәкова менән яуланыҡ.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж