-5 °С
Болотло
Бөтә яңылыҡтар
Беҙгә килгән хаттарҙан
12 Июль 2019, 12:20
Бейеүҙәренә лә, кейемдәренә лә һоҡландылар!
Беҙҙең ауыл ҡыҙҙары Зөлхизә Арыҫланова, Әҡлимә Әбүбәкирова, Гөлдәриә Рафиҡова, Айһылыу Ҡоланбаеваларҙың Сибай ҡалаһының сәнғәт мәктәбенә йөрөп, «Мәликә» өлгөлө бейеү ансамблендә шөғөлләнеүҙәренә дүрт йыл инде.
Ошо ваҡыт эсендә бик күп конкурстарҙа ҡатнашып, еңеү яуланылар, ауылда, Сибай ҡалаһында үткән концерттарҙың, төрлө сараларҙың биҙәге булдылар.
Былтыр уҡыу йылын тамамлағас, «Байыҡ» бәйгеһендә лауреат исемен алһалар, быйыл иһә Азов диңгеҙе буйында Кучугуры ҡасабаһында үткән Бөтә Рәсәй бейеүселәр фестиваль-конкурсында лайыҡлы рәүештә Башҡортостаныбыҙҙың данын яҡлап, еңеү менән шатланып ҡайттылар. Сағыу, йөкмәткеле бейеүҙәре менән башҡорт милләтенең тарихын, тормошон бик оҫта итеп күрһәттеләр. Беҙҙең башҡорт ҡыҙҙарына, уларҙың кейемдәренә, оҫта бейеүҙәренә күптәр һоҡланды. Төрлө ҡалаларҙан, хатта Грузия иленән килгән абруйлы жюри ағзалары үткәргән оҫталыҡ дәрестәренә йөрөп, сертификат алырға ла өлгөрҙөләр. Сит яҡтар ни тиклем матур булмаһын, үҙебеҙҙең Башҡортостанды һағынып ҡайттылар.
Уҡыусылар ата-әсәләренә, үҙҙәренең бейеү етәкселәре Михернисо Хаджи ҡыҙы Маматоваға сикһеҙ рәхмәтле.
Фәнүзә РАФИҠОВА.
Баймаҡ районы, Йәнйегет ауылы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж