-14 °С
Болотло
TelegramТестарVKOK
Бөтә яңылыҡтар

«Ҡош юлы» дуҫлаштырҙы

Бына шаулап-гөрләп «Ҡош юлы. Балалар» конкурсы үтеп тә китте. Ҡыҫҡа ғына ваҡыт эсендә барыһы ла миңә дуҫ булып, яҡын кешеләремә әйләнде. Проектты уйлап тапҡан һәм юғары кимәлдә ойоштор­ғандары өсөн ҙур рәхмәт.


Яңы ғына ҡына ҡулыма гитара алып, беренсе аккордтарҙы өйрәнә башлағанда ошонда ҡатнашырмын, тип һис тә уйламағайным. Беренсе «Ҡош юлы. Балалар» бәйгеһе үткәнен Башҡортостан юлдаш телевидениеһынан янып-көйөп ҡараным. Мотлаҡ был проектта ҡатнашырға, тип үҙемә маҡсат ҡуй­ҙым. Аллаға шөкөр, хыялым тормошҡа ашты.

Тимур Йосопов, Миңзәлә Яхина, Тимур Ямалов, Альбина Шәмсетдинова, Илгиз Муллағәләмов, Ришат Сөләймәнов, Ринат Абдуллинға айырым рәхмәттәремде еткерәм. Бигерәк тә минең остазыма, ошо оҙон юлды яҡтыртып барыусы кешемә – Ильгиз Муллағәләмовҡа ла!

Гитара – сихри музыка ҡоралы: кешеләрҙе берләштерә, дуҫлаштыра шул.

Хуш, «Ҡош юлы»! Киләһе осрашыуға тиклем.

Рәмзилә ҠОЛҒАРИНА.
Ейәнсура районы, Ибрай ауылы.

Читайте нас в