+12 °С
Ямғыр
Бөтә яңылыҡтар
Беҙгә килгән хаттарҙан
16 Август 2019, 15:02
Яңы үрҙәр, еңеүҙәр һеҙгә!
Йыр йөрәкте дәртләндерә, хыялдарға ҡанат ҡуя. Ә бейеү сәнғәтенең дәртле көйҙәре, ҡарап туйғыһыҙ ҡатмарлы хәрәкәттәренә оло мәғәнә һалынған. Районыбыҙҙа был йүнәлештә һәләтле балаларға шөғөлләнергә мөмкинлектәр бик күп. Мәҙәниәт идараһы ла күп эштәр башҡара.
Аҡъяр сәнғәт мәктәбенең «Йондоҙсоҡ» өлгөлө балалар бейеү ансамбленә дәртле малайҙар һәм ҡыҙҙар сәләмәт тормош, яңы дуҫтар эҙләп килгән. Улар интернет селтәре аша түгел, ә бер-береңде күреп, ихлас аралашыуҙы өҫтөн күрә.
Бейеү ул – фәлсәфә. Шуға күрә уның серҙәренә өйрәтеүсе балетмейстер тарихты, ер-һыу атамаларын, легендаларҙы, ғөмүмән, халыҡтың мираҫын белергә тейеш. Тап ошондай сифаттарға эйә «Йондоҙсоҡ» өлгөлө балалар бейеү ансамблен етәкләүсе Альбина Камалетдинова. Тормош ҡуйған ауыр һынауҙарға бирешмәй, талантлы хореограф быйыл да яратҡан бейеүселәре менән бик күп юғары уңыштарға өлгәште.
– Мин үҙемде күп балалы әсәгә тиңләйем, – ти ул йылмайып. Сөнки төрлө уй-ҡарашлы, төрлө холоҡло балаларҙы бейеү сәнғәтенә һөйөү берләштерә. Эйе, ситтән күҙәткәндә, тәү ҡарашҡа балаларҙың яуап таба алмаҫлыҡ һорауҙарын, уларҙың үҫмер саҡтарындағы тиҙ үҙгәреүсән кәйефтәрен бик яҡшы аңлай етәкселәре. Баҫалҡы тауыш менән, әсәләрсә дөрөҫ юл күрһәтеп, кәңәштәрен бирә. Шуға күрә ҡыҙҙар һәм малайҙар бейеү түңәрәгенә ҙур теләк менән йөрөй.
Апрель айында «Йондоҙсоҡ» өлгөлө балалар бейеү ансамбле «New stars» IV Халыҡ-ара конкурс-фестивалендә ҡатнашып, I урын яуланылар. Ә етәкселәренә еңеүсе балаларҙы тәрбиәләгәне өсөн Маҡтау ҡағыҙы тапшырылды. «Байыҡ – 2019» телевизион бәйгеһендә лауреат исеменә лайыҡ булып, V Бөтә донъя Ҡоролтайына ла саҡырыу хаты алдылар. «Самрау-шоу» фестивалендә уңышлы сығыш яһап, күңелле ял да иттеләр.
Оло юлда балаларҙы оҙатып алып йөрөүсе ата-әсәләребеҙҙең береһе – Гөлназ Байғужина балаларҙың шул хәтлем бер-береһенә иғтибарлы, ихтирамлы булыуҙарына хайран ҡалып һөйләй. Үҙ-ара дуҫтарса мөнәсәбәттә булыуҙарына, уйын-көлкө яратыуҙарына, халыҡ алдында үҙҙәрен әҙәпле тота белеүҙәренә лә бик һоҡланған. Бәләкәстәрҙең коллективтың нимә икәнен яҡшы аңлауҙары ла ҡыуандыра.
Йәйге ялдарын да балалар ата-әсәләре менән бергә Һаҡмар буйында башлап ебәрҙе. Төрлө уйындар уйнап, рәхәтләнеп һыу инеп, каникулға бер-береһенә яҡшы теләктәр теләп, таралыштылар.
– Эш, тип янып йөрөп, бәләкәстәремдең үҫкәнен дә күрмәй ҡалғанмын. Улар минең тормошомдоң мәғәнәһе, – ти Альбина Ишбулат ҡыҙы.
Ул ата-әсәләргә, сәнғәт мәктәбе директоры Байрас Ғәлим улы Әминевкә ҙур рәхмәтен белдерҙе.
Сәнғәткә ғашиҡ булып үҫеп килеүсе йәш быуынға аяҡ-ҡулдарының бер ҙә талмауын, тамашасыларҙы яңы дәртле бейеүҙәре менән ҡыуандырып тороуҙарын теләйем. Йәмле йәйҙә рәхәтләнеп ял итеп, яңы көс һәм дәрт йыйып, киләһе уҡыу йылын ҡаршылағыҙ! Киләсәктә лә бейек үрҙәр, яңы еңеүҙәр һеҙгә!
Гөлназ ТИМЕРБАЕВА.
Хәйбулла районы, Татырүҙәк ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж