+12 °С
Ямғыр
Бөтә яңылыҡтар
Беҙгә килгән хаттарҙан
13 Сентябрь 2019, 14:05
Бесәйҙәрем
Минең өс бесәйем бар: Алиса, Дуся, Белоснежка. Һәр береһе үҙенсә матур.
Белоснежканы Алина апайым бер әбейҙән алып ҡайтты. Ул ап-аҡ, шуға исемен оҙаҡ уйлап тормай, үҙем ҡуштым да ҡуйҙым. Бесәйем беҙгә бик тиҙ эйәләште. Мин уға йылы һөт, тәмле ит киҫәктәрен ашаттым. Белоснежка бик тиҙ үҫеп етте. Хәҙер үҙенең дә кескәй балалары бар инде. Уларға Алиса, Дуся тип исем ҡуштым. Һөттө лә ҙурыраҡ һауытҡа ҡоя башланым. Бесәйҙәребеҙ тәбиғи аҙыҡ ҡына ашай. «Вискас»ты алғаныбыҙ ҙа юҡ. Гел үҙем тәрбиәләгәс, өйгә ҡайтып инеүем була, «мыр-мыр» килеп аяғыма урала ла башлайҙар. Мин уларҙың һауытына аш, бешкән ит һалам. Туйғас, берәм-берәм килеп, рәхмәт әйткәндәй, иркәләнәләр.
Бесәйҙәребеҙҙең холоҡтары ла төрлө-төрлө. Белоснежка – иң тыйнағы. Ул тыныс ҡына йөрөй, сысҡан тота. Ә бына Алиса бөтәбеҙҙе лә «дауалай». Ҡайһы еребеҙ ауырта, шунда килеп ята, ҡайҙан беләлер инде? Атайымдың арҡаһы, биле ауыртып ыҙалай. Алиса гел уның янында йоҡларға ярата. Дуся – иң бәләкәйе. Ул бер бүлмәнән икенсеһенә йүгереп, гел шулай уйнарға ярата. Өләсәйем бәйләменә тотонһа, шатланып, йомғаҡты тәгәрәтергә керешә. Бер ҙә тик тора белмәй.
Мин бесәйҙәремде ашатам, уйнатам, йыуындырам, үҙҙәрен бик яратам. Улар менән күңелле.
Карина МОРТАЗИНА.
Туймазы районы, Бишҡурай ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж