+12 °С
Ямғыр
Бөтә яңылыҡтар
Беҙгә килгән хаттарҙан
7 Октябрь 2019, 11:49
Яңы таланттар асылды
«Дан минуттары» конкурсы гимназиябыҙҙа йыл да үткәрелеп килә. Һәләтле балаларға тағы ла юғарыраҡ үрҙәр яуларға, юғалып ҡалмаҫҡа ҙур этәргес булып тора ул.
Һәр бер бала үҙенсәлекле, талантлы һәм ҡабатланмаҫ шәхес. Был юлы ла беҙҙең уҡыусылар күңелгә ятышлы моңло йырҙары, дәртле бейеүҙәре, сәхнәлә үҙҙәрен артистарса тота белеүҙәре менән һоҡландырҙы.
Әйткәндәй, Наҙгөл һәм Алтынай Ибраһимовалар, Никита Люхин һәм Артур Йыһангиров моңло, халыҡсан йырҙарға күберәк өҫтөнлөк бирһә, ә бына Алина Мөтиғуллина үҙенсәлекле итеп кенә йәш быуын яратып тыңлаған заманса йыр башҡарыуы менән айырылып торҙо. Яңы ғына уҡый башлауҙарына ҡарамаҫтан, I «Д» синыфы ла ситтә ҡалманы. Улар «Беҙ – беренселәр» йырын өйрәнеп, сығыш яһап, күңелдәрҙе күтәрҙе.
Милләттәр дуҫлығы бөгөн сәхнәлә бейеүҙәр аша сағылыш тапты, тип әйтергә мөмкин. Ралина Хәбибрахманова – «Һыбайлы ҡыҙ», Азалия Ғәлина менән Камила Бүләкәрова «Ҡурай » тигән матур башҡорт бейеүҙәрен тәҡдим итһә, Аделина Сыртланова – дәртле итальян, ә Диана Ғөбәйҙуллина һәм Виктория Дергунова украин халыҡ бейеүҙәрен килештереп, һәр хәрәкәт аша ошо халыҡтарҙың ғөрөф-ғәҙәтен, мәҙәниәтен күрһәтергә тырышты. Арина Белоусова һәм Рада Йомағолова, Арина Назарова, Нурсилә Бикбулатованың акробатик элементтар менән булған спорт стилендәге сығыштарын да һоҡланып ҡараныҡ. Афарин, ҡыҙҙар!
Һүҙ оҫталары ла етерлек икән гимназиябыҙҙа! Артём Люманов, Глеб Стрелков, Яна Лозовая, Алина Ниғәмәтова, Элина Харрасова йөрәктәргә үтеп инерлек итеп шиғыр һөйләне.
Ниндәй байрам музыкаль уйын ҡоралдарынан башҡа үтә инде? Рәүил Исламов һәм Азалия Хәмәтуллина – гитарала, Ильяс Хисаметдинов – ҡурайҙа, Алһыу Ҡыяметдинова – скрипкала, Азалия Зиннурова – синтезаторҙа, Снежана Стрижова аккордеонда уйнап, оҫталыҡтарын күрһәтте.
Илзирә ҒАРИФУЛЛИНА.
Өфө ҡалаһы, 102-се башҡорт гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж