Руслана – «Көҙ һылыуҡайы»

Был көндө лицей эсе шау-гөр килеп торҙо. Тамаша залында музыка уйнай. Бөтә бишенсе синыф уҡыусылары йыл да ойошторолған «Көҙ һылыуҡайы – 2019» бәйгеһенә йыйылды. Һәр синыфтан ике ҡатнашыусы тәҡдим ителде. Сығыштарҙы X синыф ҡыҙҙарынан торған жюри баһаланы.

Конкурс дүрт этапта үтте. Тәүгеһендә ҡыҙҙар үҙҙәре менән таныштырып, кемдер яҙған шиғырын уҡыны, икенселәр ҡыҙыҡ итеп үҙе хаҡында һөйләне.

Унан һылыуҡайҙар береһенән-береһе ҡупшыраҡ кейемдәрен күрһәтергә сыҡты. Күлдәктәре генә түгел, причёскалары ла матурлығы менән күҙҙе арбаны.

Артабанғы этап – «Көҙгө натюрморт». Бында һәр береһе үҙе төшөргән һүрәте менән ҡыҫҡаса таныштырҙы.

«Үҙешмәкәр сығыш» һынауы бигерәк йәнле булды. Ҡалай һәләтле икәндәр, бәйгеселәр үҙҙәрен яңыса асты.

Бөтә этаптарҙа ла V «Б» синыфынан Руслана Григорьева менән Эвелина Сидорова айырылып торҙо. Шулай итеп, Эвелинаға беренсе урын бирелде. Ә «Көҙ һылыуҡайы – 2019» исемен Руслана яуланы.

Рәйсә ИСЛАМҒОЛОВА, V «Б» синыфы етәксеһе.
Ауырғазы районы, Талбазы лицейы.

Читайте нас в

1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.

Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.

Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.

Телефон

8 (347) 273-36-64.

Электрон почта

[email protected]

Адресы

450079, г. Уфа, ул. 50 летия Октября, 13, 8-й этаж