-22 °С
Болотло
TelegramVKOK
Бөтә яңылыҡтар

Изгелеккә йөрәк асыҡ

Район үҙәгендәге балалар китапханаһында һаулығы буйынса мөмкинлеге сикләнгән балалар һәм уларҙың атай-әсәйҙәре өсөн «Изгелек бүләк ит» исемле клуб үҙ эшен башланы.

Бына әле яңыраҡ «Изгелеккә йөрәк асыҡ» исемле кисә үткәреп, уны Әсә көнөнә бағышланыҡ.

Сағыу шарҙар менән биҙәлгән китапханабыҙҙа «Әсәй исемле фәрештәләр» тип аталған матур китап күргәҙмәһе ойошторолдо. Ҡыҙҙар, малайҙарҙың ғәзиздәренә арнап эшләнгән һүрәттәре лә ошонда урын алды.

Матур байрам кисәһендә әсәй­ҙәрҙе тәбрикләү, ололау төрлө уйындар менән берлектә барҙы. Осрашыуға килеүселәр «Изге йөрәктән», «Әсәйеңде биҙә», «Маҡтау һүҙеңде әйт», «Әсәйем ҡулдары», «Ярмаларҙы йый» исемле ярыштарҙа ихлас ҡатнашып, бүләктәр алып ҡыуанды.


Гөлсиә ИЛТЕНБАЕВА, балалар китапханаһы мөдире.
Ейәнсура районы, Иҫәнғол ауылы.

Читайте нас в