+25 °С
Болотло
Бөтә яңылыҡтар
Беҙгә килгән хаттарҙан
22 Ноябрь 2019, 13:27
Ҡояшҡа тиңләйем
Әсә... Ниндәй тылсымлы, матур һүҙ! Уның эсенә күпме изгелек, йылылыҡ һыйған.
Әсәй булғанда донъя яҡты, ҡояш та гел йылмайып торған кеүек. Ауыр саҡта үҙен күҙ алдына килтереү менән бөтөн ҡыйынлыҡтар юҡҡа сыға.
Минең әсәйемдең исеме – Рәсимә. Ул Мәсетле районында донъяға килгән, ә бала сағы Дыуан районы Арый ауылында үткән. Шунда һигеҙенсе синыфты тамамлағас, Өфө районы Михайловка ауылындағы училищеға уҡырға инә. Унда йәшелсә-емеш үҫтереүсе һөнәрен үҙләштереп, Алексеевка ауылында бик ҙур теплицала эш башлай. Шул ваҡытта Аксён ауыл хужалығы техникумынан белгестәр килеп, уҡырға инергә теләүселәргә имтихан тапшырып ҡарарға тәҡдим яһай. Әсәйем һынауҙарҙы уңышлы үтеп, ошо уҡыу йорто студенты булып китә.
Был ваҡытта Мәләүез районы Һәргәй ауылы егете Фәрит Ибраһимов та был техникумда белем алып йөрөгән икән. Әлбиттә, атайым бер күреүҙән әсәйемә ғашиҡ була. Улар өйләнешеп, Һәргәй ауылына ҡайтып, үҙ аллы тормош көтә башлай. Колхоздар тарҡалғансы әсәйем фермала һыйыр һауа, һуңынан хаҡлы ялға сыҡҡансы «Спартаковсы» лагерында эшләй. Дүрт ул – дүрт баһадир донъяға килтерә әсәйем. Улдары Салауат, Азат, Айрат, Айҙар үҙ ғаиләләрен ҡороп, бик матур итеп йәшәй.
Ә мин, Настя-Гөлназ, был яҡшы ғаиләгә килеп эләгеүемде яҙмыш бүләге тип ҡабул иттем. Унда миңә шул тиклем рәхәт, сөнки атай-әсәйем дә, ағайҙарым да бик ярата. Әсәкәйем – минең серҙәшем дә, кәңәшсем дә, әхирәтем дә. Ул ниндәй генә эшкә тотонһа ла, ҡулдарына күҙ эйәрмәй. Үҙе тыныс холоҡло, шундай алсаҡ. Тик яҡшылыҡҡа, изгелеккә өйрәтә. Кешеләргә иғтибарлы. Сәскә кеүек матур, йомшаҡ күңелле. Ул йылмайһа, бар донъя йәмләнгәндәй булып китә.
Ҡояшҡа тиң әсәйемә бик күп рәхмәттәр әйтер инем. Мин һинең гел шулай матур, көслө, бәхетле булыуыңды теләйем.Оҙон ғүмерле булып, беҙҙең изгелегебеҙҙе күреп, оҙон-оҙаҡ йәшә! Дуҫтар, иң мөһиме – әсәйҙәрҙе рәнйетмәйек, йөрәктәренә ут һалмайыҡ, ҡәҙерләйек!
Әсәйҙәрҙе яратайыҡ,
Әсәйҙәр бит бер генә.
Беҙ уларҙы рәнйетмәйек,
Хөрмәтләйек гел генә.
Настя ИВАНЦОВА, VIII синыф уҡыусыһы.
Мәләүез районы, Нөгөш мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж