-8 °С
Болотло
TelegramТестарVKOK
Бөтә яңылыҡтар

Фольклор байрамы

Сибай ҡалаһының моделле балалар китапханаһында «Фольклор йәйғоро» исемле байрам ойошторолдо.

Унда балалар һынашмаҡтар, әүрәткестәрҙе иҫкә төшөрҙө, йомаҡтар систе. 8-се мәктәптең II «А» синыфы уҡыусылары уҡытыусылары Зилиә Хәлим ҡыҙы Иш­бирҙина етәкселегендә төрлө халыҡтарҙың милли кейемдәре, байрамдары хаҡында бай мәғлүмәт бирҙе. Ҡыҙҙар башҡорт халҡының «Ҡап та ҡоп» уйынын уйнаны, ә малайҙар мари халҡының «Әтәстәр ярышы»нда ҡатнашты. Ҡаҙаҡ халҡының «Олатайҙың ишәге ҙурлыҡ ҡуян хаҡында» булмаҫтай хәлде тыңлағас, бергәләшеп татар халыҡ көй­ҙәренә бейенеләр. Балалар төрлө халыҡтарҙың фольклорына арналған китап һәм күргәҙмә материалдар менән дә танышты.

Был көндө уҡыусылар, милли байрам-йолалар, ғөрөф-ғәҙәттәр төрлө булыуға ҡарамаҫтан, Ер йө­ҙөндә дуҫ һәм татыу, тыныс тормошта йәшәргә кәрәклеген аңланы.

Земфира ӘБҮБӘКЕРОВА, библиограф.
Сибай ҡалаһы.


Читайте нас в