+12 °С
Ямғыр
Бөтә яңылыҡтар
Беҙгә килгән хаттарҙан
13 Декабрь 2019, 12:47
Байрамдарға бай йыл
2019 йыл байрамдарға бай булды. Республикабыҙҙың, Мостай Кәримдең, Зәйнәб Биишева исемендәге «Китап» нәшриәтенең – 100, Яҙыусылар союзының 85 йыллыҡ юбилейҙары... Беҙ ҙә ошо иҫтәлекле көндәргә арнап ҡыҙыҡлы саралар уҙғарҙыҡ.
Яҙыусылар союзы һәм «Китап» нәшриәтенең күркәм байрамдары «Яңы көнөм – яңы китап бите!» тип аталған әҙәби осрашыуҙар менән билдәләнде. Улар «Тирмәкәй» башҡорт балалар баҡсаһында һәм китапхананың үҙендә интернат-лицейҙың II синыф уҡыусыларын саҡырып үткәрелде. Был осрашыуҙа ҡыҙҙар һәм малайҙарҙы «Китап» нәшриәте һәм Яҙыусылар союзының тарихы менән таныштырҙыҡ, китап баҫылып сыҡҡанға тиклем ниндәй оҙон, ауыр юл үтеүе тураһында һөйләнек. Презентациялар әҙерләп күрһәтеп, кескәйҙәр менән белем, уҡыу, китап хаҡында әңгәмәләштек, мәҡәлдәр һәм әйтемдәрҙе иҫкә төшөрҙөк.
Балалар баҡсаһында уҙған байрамда Зөһрә Үтәғолованың яңы ғына донъя күргән «Йәнле мунсаҡ» китабының исем туйын да үткәрҙек. Осрашыуҙа автор үҙе ҡатнашып, нисек шиғыр яҙа башлауын һөйләне, ҡыҙыҡлы ла, урыны менән көлкөлө лә шиғырҙарын уҡып, ҡобайырынан өҙөк һөйләп, балаларҙы бик ҡыуандырҙы.
Ә инде интернат-лицейҙағы кисәлә яҙыусы Фәриха Вәлиуллина үҙенең биографияһы, ижады тураһында һөйләне, бер нисә хикәйәһен, әкиәтен уҡып та ишеттерҙе. Балалар менән әңгәмәләште, ҡыҙыҡһындырған һорауҙарына яуаптар бирҙе.
Флүрә ШАКИРОВА, Дауыт Юлтый исемендәге китапхана етәксеһе.
Белорет ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж