+15 °С
Болотло
Бөтә яңылыҡтар
Беҙгә килгән хаттарҙан
3 Ғинуар 2020, 13:05
Беҙ үҙебеҙ – илештәр!
Үрге Йәркәйҙәге 1-се гимназияла ҙур байрам уҙҙы. Республика Башлығының дәүләт телдәрен һәм республика халыҡтары телдәрен һаҡлауға һәм үҫтереүгә йүнәлтелгән гранты ярҙамында яҡташтарыбыҙ – Башҡортостандың халыҡ яҙыусыһы Суфиян Поварисов, Татарстандың халыҡ шағирҙары Роберт Миңнуллин һәм Әхсән Баяндың тормош һәм ижад юлына арналған кабинет-музей – ижади лаборатория асылды.
Эйә булған 507 мең 600 һум күләмендәге аҡсаға мәктәп бүлмәһен музей өсөн үҙгәртеп йыһазландырылды, витриналар, проектор, интерактив таҡта, ноутбуктар, документ-камера, смарт-телевизор, принтер һәм китаптар алынды. Бай материал тупланды, бигерәк тә яҡташтарыбыҙҙың шәхси әйберҙәре, китаптары, фотоматериалдары беҙҙең өсөн ҡәҙерле.
Музей асылыу тантанаһына күңелдәрендә әҙәбиәткә, шиғриәткә һөйөү тойғоларын йөрөткән, тел ҡәҙерен, һүҙ көсөнөң баһаһын белгән, шиғри йәнле дуҫтарыбыҙ – Роберт Миңнуллин һәм Суфиян Поварисов менән Әхсән Баяндың туғандары, яҡындары йыйылды. Унда гимназия директоры Айһылыу Насретдинова ҡунаҡтарға кабинет-музейҙы булдырыуҙа ярҙам күрһәткәндәре өсөн рәхмәт һүҙҙәре еткерҙе. Байрамда яҡташтарыбыҙҙың шиғырҙары, йырҙары яңғыраны, уға балаларҙың шаян бейеүҙәре йәм өҫтәне.
Музей асылып, ҡыҙыл таҫма киҫелгәс, сарала ҡатнашыусылар өсөн тәүге экскурсия ойошторолдо. Экскурсоводтарҙың мауыҡтырғыс һөйләүе һәр кемдең күңеленә үтеп инеп, тәрән эҙ ҡалдырҙы. Был кабинет-музейҙа уҡыусылар яҙыусы һәм шағирҙарҙың ижадын өйрәнер, шулай уҡ тикшеренеү эштәре менән шөғөлләнәсәк, яҡташтарыбыҙҙың хеҙмәт юлын һәм һуғыш батырлыҡтарын өйрәнеп, фотоальбомдар ҙа төҙөрҙәр.
Кабинет-музей – ижад лабораторияһы ишектәре һәр кем өсөн асыҡ. Туған тел уҡытыусылары менән ҡыҙыҡлы осрашыуҙар, район семинарҙары, шиғыр һөйләү бәйгеләре, китап уҡыусылар конференциялары ла ойошторолор. Бындай эш башҡарыу уҡыусыларҙа патриотик хис тәрбиәләй, яҡташ яҙыусы һәм шағирҙарыбыҙҙың ижадына ҡыҙыҡһыныу уята.
Светлана ФӘЙЗРАХМАНОВА, Сулпан ИСЛАМҒӘЛИЕВА, башҡорт теле һәм әҙәбиәте уҡытыусылары.
Илеш районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж