+5 °С
Болотло
Бөтә яңылыҡтар
Беҙгә килгән хаттарҙан
7 Февраль 2020, 15:44
Каникулды ла бергәләп үткәрҙек
Эй, күңелле лә инде мәктәп йылдары! Балаларға ҡарайбыҙ ҙа үҙебеҙҙең уҡып йөрөгән саҡтарҙы иҫкә төшөрәбеҙ. Белем усағында үткәргән көндәр һәр кемебеҙҙең хәтерендә һаҡланалыр...
Беҙгә, күптән белем усағын тамамлаған кешеләргә, хәҙер инде атай һәм әсәй булараҡ, балаларыбыҙ менән бергә 4-се лицейҙа үткәрелгән сараларҙа ҡатнашыу бәхете тейә. Аллаға шөкөр, барыбыҙ ҙа ихлас ҡушылырға тырышабыҙ. Әле бына ҡышҡы каникулды улдарыбыҙ, ҡыҙҙарыбыҙ менән бергәләп үткәрҙек, тиһәк тә була.
Берҙән-бер көндө күмәкләп Граф күленә ҡышҡы балыҡ тотоуға йыйылдыҡ. Атайҙар кәрәк-яраҡтарҙы урынлаштырғансы, беҙ, әсәйҙәр, синыф етәксеһе Айгөл Әнүәр ҡыҙы Сирбаева менән матур итеп сәй табыны әҙерләп ҡуйҙыҡ. Әлбиттә, күп итеп балыҡ тотоу шарт түгел ине. Иң мөһиме: балалар менән саф һауала ял итеү. Ә тәбиғәт ҡосағындағы күңелле ял барыбыҙға ла оҡшаны. Көндөң һыуыҡ булыуын да һиҙмәнек. Йәш балыҡсылар мәктәптең атайҙар ҡоро етәксеһе Иҙел Танһыҡҡужин әҙерләгән бүләктәрҙе алып ҡыуанды.
Йәнә бер матур көнөбөҙ ҡалабыҙҙың ял паркында үтте. Унда ла Иҙел Хәлил улы V синыфтар араһында атай-әсәй, ағай-апай һәм һеңле-ҡустылар ҡатнашлығында эстафета ярышы ойошторҙо. Әүҙемдәр бында ла бүләкһеҙ ҡалманы. Һуңынан саңғыға баҫтыҡ, тимераяҡта шыуҙыҡ. Атайҙар ҡоро рәйесе, синыф етәксеһе әүҙем ғаиләләргә Рәхмәт хаты тапшырҙы. Һуңынан тәмлекәстәр менән сәй табыны ойошторолдо.
Ошондай ҡыҙыҡлы саралар йышыраҡ булһа, унда ҡатнашыусы ғаиләләр һаны ла артыр ине. Әлеге осрашыу, ял итеү һәр атай-әсәйҙең, балаларҙың хәтерендә матур хәтирәләр булып оҙаҡ һаҡланыр. Бигерәк тә балаларыбыҙ ныҡ һөйөндө.
V «Б» синыфы атай-әсәйҙәре исеменән – Ләйлә МЫРҘАҒӘЛИНА-ИҪӘНБАЕВА.
Баймаҡ ҡалаһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89170477422.
Электрон почта
Адресы
450079, г. Уфа, ул. 50 летия Октября, 13, 8-й этаж