+12 °С
Ямғыр
Бөтә яңылыҡтар
Беҙгә килгән хаттарҙан
28 Февраль 2020, 14:03
Илһөйәрҙәр тәрбиәләйбеҙ
Һәр заманда ла белем усаҡтарында үҫеп килеүсе йәш быуынды илһөйәрлек, ватансылыҡ рухында тәрбиәләү – төп маҡсаттарҙың береһе. Был уңайҙан беҙҙең Беренсе Этҡол мәктәбе бик һөҙөмтәле эшләй.
Һәр йылдағыса, февраль айы хәрби-патриотик айлыҡ тип иғлан ителеп, барлыҡ саралар ҙа Бөйөк Еңеүҙең 75 йыллығына арнап үткәрелде. Уҡыусылар өсөн Ватанды һаҡлаусылар көнөнә фотоһүрәттәр конкурсы уҙғарылды, улар мәктәптең тотош бер стенаһын биләп тора. Ил һаҡлауға төрлө йылдарҙа барып ҡайтҡан, Бөйөк Ватан, Афған, Чечня һуғыштарында ҡатнашҡан, хәрби бурысын үтәгәндә һәләк булған, әрме хеҙмәтендә булған атай-ҡартатайҙар, ағай-олатайҙар тураһында мәғлүмәттәр туплап, һәр синыф стена гәзиттәре сығарҙы.
«Ватаныма һөйөүемде туған телдә еткерәм» исеме менән уҙған шиғыр һөйләүселәр бәйгеһендә уҡыусыларҙың күпләп ҡатнашыуы – уларҙың телде, Ватанды һаҡлауға битараф түгеллеген күрһәтте. Совет ғәскәрҙәренең Афғанстандан сығарылыуына 31 йыл тулыуға арнап районда үткәрелгән сарала физкультура уҡытыусыбыҙ Рәсих Йортбәков тәрбиәләнеүселәре менән «Йәш армеецтар» сығышын күрһәтте. Хәрби йырҙарҙы маршҡа һалыу буйынса I – XI синыфтар араһында ярыш ойошторолдо. Бында ла уҡыусыларҙың юғары әҙерлеге күренде. Һигеҙенселәр яуҙа ятып ҡалған атай-олатайҙарыбыҙ хөрмәтенә ҡуйылған һәйкәлдең эргә-тирәһен ҡарҙан таҙартып ҡайтһа, етенселәр тыл һәм хеҙмәт ветераны Фәрзәнә Әбделғәзина инәйгә өй эштәрендә ярҙам итешергә барҙы.
Уҡыусыларыбыҙҙы илһөйәрлек рухында тәрбиәләү беҙҙә шулай ҙур ойошҡанлыҡ менән бара.
Гүзәл МӘХМҮТОВА, уҡытыусы.
Баймаҡ районы, Беренсе Этҡол ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж