+9 °С
Болотло
Бөтә яңылыҡтар
Беҙгә килгән хаттарҙан
17 Апрель 2020, 12:45
Тиҙерәк мәктәпкә барғым килә!
«Тажлы» вирус... Ошо һүҙҙе тәү тапҡыр ишеткәс тә башына таж кейгән әҙәми зат кеүек матур бер һын күҙ алдыма килеп баҫҡайны. Мин бала күңелем менән уны шундай ҡиәфәттә күрҙем.
Бына ике аҙна инде мәктәпкә йөрөмәйбеҙ. Ошоға тиклем кемдер берәү миңә, уҡырға барырға кәрәкмәй, тик интернеттан ғына уҡыясаҡбыҙ, уҡытыусыларҙың күп һорауҙарына ситтән генә тороп ауыҙ йырасаҡбыҙ, тип әйтһә, ҡыуанысымдың сиге булмаҫ ине. Ысын! Рәхәт бит! Иртә менән атай-әсәйеңдән ҡырҡ әйттереп торорға, китап тулы сумканы артмаҡлап, йыбана-йыбана мәктәпкә барырға, уҡытыусыларҙың ҡабат-ҡабат аңлатырға тырышыуҙарын тыңлап ултырырға ла кәрәкмәй. Ҡалай шәп!
Вирус хәҙер инде миңә башына таж кейгән матур зат булып түгел, киреһенсә, ауыҙын ыржайтҡан, күҙҙәре ҡурҡыныс янған ҡот осмалы һын булып күренә башланы. Күпме кеше үлә, ә ул һаман туҡталырға уйламай ҙа. Беҙ ҙә инде хәҙер өйҙә генә дистанцион рәүештә уҡыйбыҙ. Мәктәптә уҡыу ҡалай һәйбәт булған икән дә, ҡәҙерен генә белмәгәнбеҙ! Биш йыл буйы уҡып йөрөгән мәктәбем, беҙгә белем бирергә тырышҡан уҡытыусыларым, синыфташтарым һағындыра. Бергә, күмәк булыу яҡшыраҡ, күңеллерәк бит!
Әлегә өйҙә ултырабыҙ. Ваҡытты бушҡа үткәрмәҫ өсөн яҡын дуҫым булған «Йәншишмә» гәзитен, әҙәби китаптар уҡыйым, интернет бәйгеләрҙә ҡатнашам. Яратҡан шөғөлөмдө лә онотмайым: пластилиндан төрлө һындар эшләйем.
Телевизор, интернет селтәренән ҡараһам да, өлкәндәрҙән күпме ишетһәм дә, әле булһа «тажлы» вирусты аңлай, күңелем менән ҡабул итә алмайым. Ҡыйын миңә. Күпме дуҫтарымдан, туғандарымдан, мәктәбемдән айырҙы ул. Барлыҡ күңелем менән был афәттең тиҙерәк бөтөүен теләйем.
Юлдаш БУЛАТОВ, йәш хәбәрсе.
Баймаҡ районы, Билал мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж