+12 °С
Ямғыр
Бөтә яңылыҡтар
Беҙгә килгән хаттарҙан
24 Апрель 2020, 13:26
Беҙ ҙә яңыса уҡыйбыҙ
Мәмбәт мәктәбе уҡыусылары ла дүртенсе сиректе яңыса – дистанцион уҡыу менән башланы.
Был, әлбиттә, балалар, уҡытыусылар һәм ата-әсәләр өсөн дә ҙур һынау инде. Әйткәндәй, беҙ яҙғы каникул осорон көсөргәнешле әҙерлек эштәре менән үткәрҙек. Мәғарифты үҫтереү институты һәм районыбыҙҙың мәғариф идаралығы тарафынан уҡытыусыларға, ата-әсәләргә вебинарҙар ойошторолдо. Һуңғы сиректең календарь-тематик пландарына ла үҙгәрештәр индерелде. Мәмбәт мәктәбе педагогтары ҙур тәжрибә туплап, төрлө методик алымдар, заманса технологиялар ҡулланып эшләгәс ни, был ҡатмарлыҡтар тыуҙырманы. Һәр фән уҡытыусыһы үҙенә платформалар һайлап, кейс-технологиялар ҡулланып, онлайн-дәрестәр, конференциялар үткәрә.
Ата-әсәләр менән дә даими бәйләнеш тотабыҙ. Килеп тыуған мәсьәләләрҙе бергәләп тиҙ арала хәл итергә тырышабыҙ. Уларҙың ярҙамына рәхмәтлебеҙ.
Хәҙерге балаларҙың заманса технологиялар менән үҙ аллы эш итә алыуҙары ла маҡтауға лайыҡ, тип уйлайым. Уларға Zoom, скайп, «ЯКласс», «Учи.ру» сайттарындағы күнегеүҙәр оҡшай. Әммә уҡыусылар мәктәпте, дуҫ-иштәрен, синыфташтарын, уҡытыусыларын һағыныуҙарын да йәшермәй. Тиҙерәк мәктәпкә барыуҙарын түҙемһеҙлек менән көтәләр.
Бөтә донъя буйынса таралған афәт йәһәтерәк үтеп китһен ине. Беҙ ҙә, балалар ҙа тик шулай тип кенә теләйбеҙ.
Милә МӘМБӘТОВА, башҡорт теле һәм әҙәбиәте уҡытыусыһы,
Хәйбулла районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж