+12 °С
Ямғыр
Бөтә яңылыҡтар
Беҙгә килгән хаттарҙан
30 Апрель 2020, 13:19
Ғаиләбеҙҙең мәңге һулымаҫ гөлө
Донъялағы иң ҡәҙерле кешеләр – ул атай менән әсәй. Күңелем тулған саҡтарҙа мин иң беренсе улар янына барам, шатлыҡтарымды ла иң тәүҙә ғәзиздәрем менән бүлешәм. Ә был һүрәтләмәмдә һеҙгә әсәйем тураһында һөйләргә теләйем.
Ниндәй генә булһа ла, бала әсә өсөн йөрәк алмаһы, тиҙәр. Минең әсәйем – ҡояштың йылыһын алмаштырыусы ла, ауыр ваҡытта кәңәш биреүсе лә, серҙәш тә, өйөбөҙҙөң, ғаиләбеҙҙең мәңге һулымаҫ гөлө лә. Беҙгә, биш балаға, ғүмер биреүсе фәрештә лә. Уның һәр ваҡыт алсаҡ йылмайыуына ҡыуанабыҙ, ә тәрән, диңгеҙҙәй сикһеҙ күңелендә беҙгә ҡарата һөйөү, ғорурлыҡ тойғоһо ята.
Әсәйемдең исеме – Гөлсинә, исеме есеменә тап килеп тора. Өйөбөҙҙө гөл-сәскәгә күмгән ҡәҙерлебеҙ – һәр яҡлап та өлгөр, ижади, һәләтле кеше. Атайым менән икәүләп һәр беребеҙҙә йыр-бейеүгә, музыка ҡоралдарында уйнауға һөйөү уяталар.
Әсәйем белеме буйынса – уҡытыусы. Уның яратҡан шөғөлдәре лә бик күп: бәйләй, тегә, бешеренә. Ҡәҙерлебеҙ тәмлекәстәрҙе төрлөләндереп әҙерләргә ярата, шуға һәр байрамдың түрен ул бешергән торттар, рогаликтар, бәлештәр биҙәй. Ҡусты-һеңлеләрем менән атай-әсәйебеҙгә гел ярҙам итергә, уларҙың ышанысын аҡлап, үҙҙәрен гел ҡыуандырырға тырышабыҙ.
Тормошта ниндәй генә ауырлыҡ килеп сыҡмаһын, ул иң беренсе атай менән әсәй йөрәге аша үтә, тиҙәр. Шуның өсөн яҡындарыбыҙҙы ҡәҙерләйеҡ, һаҡлайыҡ, яратайыҡ! Улар бит беҙ тип кенә йәшәй.
Йәнгүзәл ЗӘЙНУЛЛИНА, йәш хәбәрсе.
Баймаҡ ҡалаһы, 4-се лицей.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж