+12 °С
Ямғыр
Бөтә яңылыҡтар
Беҙгә килгән хаттарҙан
25 Сентябрь 2020, 13:02
Парадта ла, флешмобта ла ҡатнаштыҡ
Милли кейем көнөн беҙҙең 3-сө «Шатлыҡ» балалар баҡсаһында ла көтөп алдылар. Уға ныҡлап әҙерләндек. Ә байрам көнө төрлө милләт кейемдәрен кейеп килгән балаларҙы, ата-әсәләрҙе моңло көйҙәр яңғыратып, балалар баҡсаһы алдында уҡ ҡаршы алдыҡ.
Педагогтар тарафынан төркөмдәрҙә кескәйҙәр өсөн милли кейемдәргә арналған әңгәмәләр, викториналар, шиғыр һөйләү бәйгеләре, әкиәт сәхнәләштереү – барыһы ла ҡыҙыҡлы булды. Мин – «Башҡорт тирмәһе»нә, ә уҡытыусы-дефектолог Ксения Вячеславовна Әхтәмова «Урыҫ йорто» балалар баҡсаһы музейҙарына башҡорт һәм урыҫ халыҡтарының милли кейемдәре, уларҙың тарихы менән таныштырыу өсөн экскурсиялар ойошторҙоҡ.
Төркөмдәрҙә «Тыуған яҡты өйрәнеү» мөйөшөн милли кейемдәр тураһында материалдар, атрибуттар менән тулыландырыу маҡсатында «Милли кейем – милли ҡиммәт» акцияһы иғлан ителгәйне. Ата-әсәләр милли кейемдәр, биҙәүестәр һәм милли кейемдәге ҡурсаҡтар алып килде.
Уҡытыусы-логопедтар Айгөл Фәхретдин ҡыҙы Байсурина, Динә Хәйебйән ҡыҙы Ермеева һәм физкультура етәксеһе Зилә Хәйебйән ҡыҙы Фәттәхова тарафынан халыҡ оҫталарының ҡул эштәренән, сувенирҙарҙан ойошторолған күргәҙмә барыһының да күңеленә хуш килде. Айгөл Фәхретдин ҡыҙы ата-әсәләргә милли биҙәүестәр әҙерләү буйынса оҫталыҡ дәресе үткәреп, видеоматериал тәҡдим итте.
Сағыу байрам төҫө алған иҫтәлекле көнөбөҙ «Милли кейемдәр» парадын ойоштороу менән дауам итте. Бында иһә һәр төркөм балалары үҙ милли кейемендә сығыш яһаны. Шулай уҡ һәр кем педагог-психолог Гүзәл Илдар ҡыҙы Әхмәтова хәстәрлегендә төрлө халыҡ биҙәктәре менән матурлап әҙерләнгән махсус урында иҫтәлеккә фотоға төштө. Был фотоһүрәттәребеҙ менән социаль селтәрҙәрҙә мәҙәниәт министрлығы ойошторған «Минең милли кейемем» исемле флешмобта ла ҡатнаштыҡ.
Әлфиә БАЙМЫРҘИНА, башҡорт теле уҡытыусыһы.
Хәйбулла районы, Аҡъяр ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж