+12 °С
Ямғыр
Бөтә яңылыҡтар
Беҙгә килгән хаттарҙан
25 Сентябрь 2020, 13:20
Уйнап асыла бала күңеле
Республикабыҙҙа төрлө гәзит-журналдар баҫыла. Был, әлбиттә, шатлыҡлы күренеш. Сөнки уҡыусы йәшенә, ҡыҙыҡһыныуына ҡарап, үҙенә кәрәклеһен һайлап яҙыла ала. Шулар араһында «Йәншишмә» гәзите айырыуса иғтибарға лайыҡ. Һайлаған һөнәрем балалар менән бәйле булғас, был баҫманы эшемдә лә ҡулланам. Бәләкәстәргә унда баҫылған сәсмә әҫәрҙәрҙе уҡыйым, әкиәттәр менән таныштырам. Киләһе йылда ла яратҡан гәзитем менән бергә булыу маҡсатында алдан уға яҙылып ҡуйҙым.
«Йәшерәм, йәшерәм яулығымды Йәшел ҡайын артына...»
«Тирәккәй» балалар баҡсаһындағы «Сәскәләр» башҡорт төркөмөнә йөрөүсе малайҙар һәм ҡыҙҙар бигерәк шуҡтар, шаяндар, отҡорҙар. Беҙ йыш ҡына төрлө башҡорт халыҡ уйындары уйнайбыҙ. Улар ярҙамында халҡыбыҙ ынйыларын тергеҙәбеҙ, ә был үҫеп килеүсе йәш быуынға төрлө яҡлап асылырға ла ярҙам итә. Юҡҡа ғына, бала күңеле уйнап асыла, тимәйҙәр бит. Әлбиттә, теге йәки был уйынды башлар алдынан шыбаға һалышабыҙ. Кем ҡала, шул – алып барыусы.
Халыҡ телендә уйындар исеме төрлөсә ҡулланыла. Мәҫәлән, әҙәби телдә «Йәшерәм яулыҡ» беҙҙеңсә – «Ҡулъяулыҡ», «Йөҙөк һалыу» «Үгеҙ йөҙөк» тип атала. Бәләкәстәр уларҙың икеһен дә яратып уйнайҙар. Тәүгеһендә иғтибарлылыҡ, етеҙлек талап ителһә, икенсеһендә отолмаҫ өсөн һиҙгерлек, отҡорлоҡ кәрәк.
Әлбиттә, уйында, еңеүселәре лә, еңелеүселәре лә була. Был ваҡытта һәр кем нимәгә һәләтле икәнлеген күрһәтеп ҡала. Һәр нәмәгә отҡор Асҡар Ҡунафин иптәштәренең теләген йәһәт кенә үтәп ҡуя. Айрат Ғәзизов иһә еңелә ҡалһа, һүрәт төшөрә һала, Руслан Гәрәев һынамыштар әйтә. Алмаз Татлыбаев шиғыр ятлай, Элиза Ғәйнуллина менән Ләйсән Әбүбәкировалар бейергә төшөп тә китәләр... Шулай һәр уйындың аҙағы күңелле концерт менән тамамлана.
Гөлнара БАТЫРШИНА, тәрбиәсе.
Ғафури районы, Красноусол ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж