Бөтә яңылыҡтар
Беҙгә килгән хаттарҙан
23 Октябрь 2020, 20:48

Тыуған Башҡортостаныбыҙға арнаныҡ

Республикабыҙ­ҙың байрамын төрлө саралар менән билдәләнек.

Ҡалабыҙ­ҙың 44-се балалар баҡсаһының «Болот­ҡай» һәм «Алтын балыҡ» төркөмдәрендә – «Бөтәһе лә республика тураһында» тип аталған патриотик уйын сәғәте, 25-се балалар баҡсаһының «Йәйғор» төркөмөндә «Әгәр ҙә ерҙә ожмах бар икән, ул – беҙҙең Башҡорт­остан» тигән тыу­ған яҡты өйрәнеү кисәһе ойошторолдо. Интернат-лицейҙың дүртенсе синыф­тары менән «Сәскә ат, минең тыуған Баш­ҡортостаным!» тип исемләнгән әҙәби осрашыу уҙ­ҙы. Ә «Минең республикам тураһында» тигән патриотик кисә 3-сө мәктәптең II, III синыф уҡыусы­лары менән үткә­релде.

Ҡыҙҙар, малайҙар был сараларҙа «суверенит» һүҙенең ни­мә аңлатыуын, Баш­ҡортостан Республикаһының ҡасан барлыҡҡа килеүен, ниндәй символдары бар­лығын белде. Улар бирелгән һорауҙарға ла дөрөҫ итеп яуап бирергә тырышты, төрлө уйындарҙа ла ихлас ҡатнашты.
Читайте нас в