+12 °С
Ямғыр
Бөтә яңылыҡтар
Беҙгә килгән хаттарҙан
30 Октябрь 2020, 19:19
Икмәк тә бит ҡояш кеүек
2006 йылдан алып 16 октябрь Икмәк көнө итеп билдәләнә. Ә был ҡәҙерле ризыҡ бынан һигеҙ мең йыл самаһы элек барлыҡҡа килгән, тип фаразлана.
Икмәк тәүҙәрәк ярмаларҙан усаҡта ҡояш формаһында бешерелгән. Беҙҙең халыҡта уны көлсә тип атағандар. Ҡояш кеүек түңәрәк булыуы тиктән килеп сыҡмаған. Икмәк, ҡояш һымаҡ уҡ, әҙәм балаһына йәшәү өсөн көс бирә, тип уйлағандар һәм бер ҙә яңылышмағандар. Үткән быуаттан бойҙай, арыш оно өҫтөнлөк иткән. Башта ҡул, һуңғараҡ һыу тирмәне менән тарттырып бешергәндәр. Һуғыш ваҡыттарында, аслыҡ-йотлоҡ йылдарында иһә алабута кеүек ашарға яраҡлы үләндәрҙең орлоҡтары ла ҡушылған.
Әлеге көндә икмәктең ниндәйе генә юҡ! Сүпрә ҡушылғандары ла, онһоҙ ғына әҙерләнгәндәрен дә осратырға мөмкин. Ниндәй генә булмаһын, икмәк – һәр өйҙә теләп әҙерләнгән ризыҡтарҙың береһе. Уның бер генә валсығын иҙәнгә төшөрөү ҙә яҙыҡ һанала.
«Ҡыңғырауҙар» төркөмөнә йөрөүсе малайҙар һәм ҡыҙҙар ҙа был көндө һәр ваҡыт яратып ашаған ризыҡтарының береһе икмәк тураһында күп нәмә белде. Уның ҡайҙа үҫеүе, нисек әҙерләнеүе, магазин кәштәләренә килеп ятҡансы күпме һөнәр эйәһенең хеҙмәт көсө түгелеүе хаҡында ишеттеләр, һүрәттәр ҡаранылар. Пластилиндан иген башағын күмәкләшеп эшләнеләр. Икмәк тураһында шиғырҙар, мәҡәл һәм әйтемдәр өйрәнгәндән һуң, Марк Ғиззәтуллиндың өләсәһе бешергән ҡалас менән һыйландылар.
Киләсәктә улар араһынан да данлыҡлы игенселәр, оҫта икмәк бешереүселәр сығыр әле.
Айгөл ГӘРӘЕВА, тәрбиәсе.
Өфө ҡалаһы, 166-сы балалар баҡсаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж