+12 °С
Ямғыр
Бөтә яңылыҡтар
Беҙгә килгән хаттарҙан
6 Ноябрь 2020, 14:54
Ҡустымдың ялы
Республикабыҙҙа тажлы вирус көсәйеү сәбәпле, каникул тағы ла бер аҙнаға оҙайтылды. Был хәбәр бигерәк тә бәләкәй синыф уҡыусылары өсөн ҡыуаныслы булды.
Минең икенсе синыфта уҡыусы Илмир исемле ҡустым бар. Ул – бик шаян һәм ҡыҙыҡ малай. Бер көн ҡустым әсәйемдең А4 форматындағы ҡағыҙҙарын тотоп алып, йәһәт кенә бүлмәһенә йүгерҙе. Ә, белдем: ул ҡағыҙҙан кәмә эшләргә йыйына икән. Әсәйем тиҙ генә уны яһау тәртибен күрһәтеп тә бирҙе. Илмир рәхмәт әйтеп, эшкә лә тотондо.
Инде кис тә етте. Ҡустым һаман бүлмәһендә нимәлер эшләй. Бер ваҡыт 21 дана ҡағыҙҙан эшләгән кәмә, 1 самолёт һәм 4 истребитель алып сыҡмаһынмы! Әсәйебеҙҙең ҡағыҙҙары документҡа түгел, ә Илмирҙең яратҡан кәмәләренә тотонолдо. Беҙҙең иҫебеҙ китте. «Шул берәү йә бишәүҙе яһаһа ла етмәй инеме икән?» – тип уйланып торҙом. Ләкин Илмир сюрприз эшләй белә, етмәһә, ул ҡағыҙҙан ғына түгел, ә конструкторынан да оҙон «Титаник» эшләп ҡуйған. Тик уныһы оҙаҡҡа сыҙаманы, «айсберг»ҡа төкөлөп, уртаға һынды.
Ошолай төрлө ҡыҙыҡлы ваҡиғалар менән Илмир ҡустымдың каникулы үтеп бара. Ә һеҙҙең һеңле, ҡустыларығыҙ көҙгө ялын нисек үткәрҙе?
Илүзә АЙЫТБАЕВА.
Бөрйән районы, Байназар мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж