+12 °С
Ямғыр
Бөтә яңылыҡтар
Беҙгә килгән хаттарҙан
20 Ноябрь 2020, 12:15
Китаптың исем туйында
Күптән түгел Белорет районының Сосновка ауылында Урал аръяғының ижади көстәрен берләштергән «Ҡуңыр буға» төбәк йәмәғәт ойошмаһының сираттағы йыйыны булып үтте.
Уның төп маҡсаты Әбйәлил, Учалы һәм Белорет райондарында йәшәп ижад итеүселәрҙең урыҫ телендә донъя күргән «Под созвездием бурого тельца» йыйынтығының исем туйы булһа ла, бер ыңғайҙан Сатура Минһажетдинова етәкләгән «Урал» гәзитенең һәм Сосновка ауылы ағинәйҙәренең эше менән дә танышып ҡайттыҡ. Земфира Кәримова етәкселегендә был клуб ағзалары, район, республика кимәлендә үткәрелгән төрлө сараларҙа әүҙем ҡатнашыуҙан тыш, башҡорт мәҙәниәтен пропагандалау, халҡыбыҙҙың милли йолаларын тергеҙеү буйынса ла бик күп эштәр башҡара. «Ҡарағайлы көҙҙәре» тип аталған кисәләр ҙә тәү башлап тап ошо ағинәйҙәр клубы инициативаһы менән 2014 йылда ойошторола башлай. Хәҙер инде был ауылдың матур йолаларының береһенә әүерелгән. Клубтың эшендә урыҫ милләтле кешеләр ҙә бик әүҙем ҡатнаша.
Был йыйынтыҡҡа 22 авторҙың шиғри әҫәре индерелгән. Ә уларҙы урыҫ теленә Бөрйән районының Әбделмәмбәт ауылында йәшәүсе шағир Булат Усманов тәржемә иткән. Китапта донъя күргән әҫәрҙәрҙең байтағы Әбйәлилдән Гүзәл Әхмәҙиева, Мәҙинә Йәғәфәрова, Мәрйәм Сәлмәнова, Илсиә Ҡасимова, Фатима Һибәтованыҡы. Уларҙың һәм йәнә 6 авторҙың шиғырҙары урыҫ телендә лә бик аһәңле яңғырай.
Кисәлә Иршат Шәғәлин, Илнур Әхмәтшин, Рима Йосопова башҡарыуындағы йырҙар, Полина Борисованың башҡортса бейеүе һәм драма түңәрәге ағзаларының сығыштары бөтәһенең дә күңеленә хуш килде. Ә инде Белорет ҡалаһында тыуып үҫкән шағирә, Башҡортостан Яҙыусылар союзы ағзаһы Нина Зиминаға арналған видеоконкурста еңеүселәргә «Ҡуңыр буға» төбәк йәмәғәт ойошмаһының Рәхмәт хаттары менән китаптары тапшырылһа, беренсе урынды яулаған Нәфисә Заһретдинова «Ағиҙел» журналына ярты йылға подписка менән бүләкләнде. Шулай уҡ икенсе һәм өсөнсө урындарҙы яулаған Фәрзәнә Хәйбуллина менән Сулпан Алсынбаевалар ҙа бүләкле булды. Уларҙың береһенә – «Башҡортостан ҡыҙы», ә икенсеһенә «Шоңҡар» журналының квитанциялары тапшырылды.
Зөһрә Кашапова.
Әбйәлил районы. Асҡар ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж