-13 °С
Болотло
TelegramТестарVKOK
Бөтә яңылыҡтар

Эштәрҙә – көҙ сағылышы

Мөмкинлектәре сикләнгән балаларҙы реабилитациялау үҙәгендә эшләп килгән «Оҫта ҡулдар» ижади оҫтаханаһында мөғжизәләр тыуҙырыла. Балалар тәрбиәселәре етәкселегендә ҡағыҙ-ҡатырға, елем, энә-еп, пластилин кеүек төрлө материалдарҙан «һә» тигәнсе күҙҙең яуын алырлыҡ уйынсыҡтарҙы ҡойоп ҡуя.



Ҡыҙҙар, малайҙар ижади эштәрендә көҙ миҙгеленең матурлығын да ихлас сағылдырҙы. Йәрминкәгә тип плас­тилин, декоратив ҡомдан икмәк, баллы перәниктәр, бәлештәр «бешерҙеләр», төрлө төҫтәрҙәге ептәрҙән матур ҡурсаҡтар бәйләнеләр. Тубырсыҡтан тыуған һаҡсыл ҡуян, терпе, һуған-ҡарышлауыҡ та йүгереп килеп еткән! Ҡағыҙҙан йәнләнгән бихисап йәнлек-ҡоштар йәрминкәгә йәм өҫтәне. Балаларҙың да күңелдәре шатлыҡ менән тулы ине: үҙ ҡулдарың менән шундай матурлыҡты булдыр әле!


Клара ҒӘЙФУЛЛИНА, тәрбиәсе.
Өфө ҡалаһы.

Читайте нас в