Бөтә яңылыҡтар

Әсә наҙы яҙ шикелле, әсә наҙы ғүмерлек

Әсәй – донъялағы иң ғәзиз, иң ҡәҙерле кеше. Ул балаһын һөйә, йән йылыһын биреп, наҙлап үҫтерә. Бәләкәсен ғүмере буйы тәрбиәләй, эшкә өйрәтә, тормошта яҡшы кеше булыуын теләй.

Һәр мәрхәмәтле, игелекле, итәғәтле бала әсәһенең изгелектәрен аңлай. Бер ҙә онотмай.

Ноябрь айының һалҡыны етте, ҡыш башлана. Ә беҙҙе ошо Әсәйҙәр байрамы йылыта кеүек. Сөнки улар эргәбеҙҙә генә. Беҙҙе яраталар, иркәләйҙәр, ҡурсалайҙар…

Боронғо мифтар буйынса, аллалар ҙа әсәйҙе данлаған. Боронғо гректар Геяны хөрмәт итһә, кельттар – Бриджитты, ә Рим халҡы, аллаларҙың әсәһе Кибеланы өс көн буйы маҡтап, байрам иткән.

Хәҙер һәр илдә Әсәйҙәр көнө уҙғарыла.

Лиә ХӘСӘНШИНА, IV синыф уҡыусыһы.
Туймазы районы, Иҫке Туймазы мәктәбе.

Читайте нас в